Ulandu

Lekisa Ohenda Komanu Vosi

Eteke limue manji umue ukãi wa tala ovideo losapi hati: “Li . . . Kapiko Omunu Lukuavo,” yi lombolola okuti Yehova ka kuete lika ohenda, pole, o yi lekisavo. (Isa. 63:7-9) Kuenje wa nõlapo oku kapako ovina a lilongisa poku eca ekuatiso limue. Noke, keteke liaco, osimbu a kala oku landa ovina vovenda, wa sanga ukãi umue o kasi vokololo kuenje wo landelako cimue coku lia. Ukãi wa tava. Eci manji o wĩha okulia, wa sandavo evelo lioku sapuila ukãi catiamẽla ku Yehova, loku eca kokuaye ocicapa losapi hati: “Anga hẽ Ohali yi Kapua?”

Kuenje ukãi wa fetika oku lila. Eye wa lombolola okuti, wa kala ale vocili, pole, wa ci siapo osimbu. Wa kala oku likutilila ku Yehova oku u pinga oco o kuatise oku tiuka kokuaye. Manji wa eca kukãi Embimbiliya limue kuenda wa linga esokiyo lioku fetika laye elilongiso Liembimbiliya.a

Tu pondola oku setukula ohenda ya Yehova poku yi lekisa komanu vakuavo oku kongelamo apata etu kuenda vamanji vekongelo. Tu lekisavo ohenda poku sanda otembo yoku kundila omanu.