Olombongo vi Pesiwa Kasualali Voluali Luosi vi Pitahãla Eci ci Soka Olohuluwa Violohuluwa—Nye Embimbiliya li Popia?

Kunyamo 2022, olombongo via pesiwa kasualali voluali luosi, via tẽla eci ci soka 2. 24 kolohuluwa violohuliwa violondolale vio ko Amerika. Olombongo viaco via pesiwa omo liuyaki ko Ukrania wa kokiwa lo Russia. Ndomo ca lekisiwa vulandu umue wa sandekiwa kosãi ya Kupupu 2023 wa lomboluiwa locisoko ci tukuiwa okuti, Instituto Internacional de Pesquisas da Paz, ko Estocolmo (SIPRI), vokuenda kunyamo 2022:

• Epese liolombongo via pesiwa kasualali ko Europa “lia livokiya eci ci soka 13 kolopulusendu vokuenda kunyamo. Eli olio epese lia luapo vali vokuenda kunyamo umosi kovina viosi via landiwa ko Europa tunde kesulilo Liuyaki wunyamo 1991.

• “O Russia ya vokiya epese liayo ci soka 9.2 kolopulusendu okuti ya tunda pocitumãlo catãlo kuenje ya linga ofeka yatatu koku pesela vali olombongo vialua voluali luosi.

• O Estados Unidos yi kasi oku amamako oku pesela olombongo vialua kasualali “ci lekisa okuti ci soka 39 kolopulusendu ovio olombongo vi pesiwila kovina viasualali vi landiwa voluali luosi.

Usongui o tukuiwa Nan Tian wa panga onepa koku sandeka ulandu wo SIPRI wa popia hati: “Oku amamako kuoku livokiya kuovina vi landiwa oco vi kuatise asualali voluali luosi vanyamo a sulako, ondimbukiso yokuti tu kasi voluali lumue ka mua koleliwile.”

Embimbiliya lia popele ale okuti, pokati kovonene oluali luisi pa ka kala ukuse koloneke vilo kuenda li tu sapuilavo ono yavelapo ya koleliwa yi ka nena ombembua yocili.

Nye Embimbiliya li popia catiamela kovoyaki?

• Embimbiliya li tukula otembo tu kasi okuti “otembo yesulilo.”—Daniele 8:19.

• Elivulu lia Daniele lia lekisa okuti vokuenda kuotembo ovonene oluali a ka “lisinda” ale oku liyakela ovoviali. Vuyaki waco, mua kongela oku pesela “ovokuasi alua a solekiwa” ale olombongo vialua.—Daniele 11:40, 42, 43.

Oco o lilongise ovina vikuavo viatiamẽla kocitumasuku eci Cembimbiliya, tala ovideo losapi hati, Ocitumasuku ca Tẽlisiwa—Daniele Ocipama 11.

Elavoko limue liombembua

• Embimbiliya li lekisa okuti Suku o ka piñainya olombiali viomanu. Eye “o ka tumbika usoma umue okuti lalimue eteke u ka nyõliwa. Usoma waco ka u ka eciwa komanu vakuavo. Owo u ka nyanyõla loku kundula ovosoma aco osi kuenje owo lika u ka kala otembo ka yi pui.”—Daniele 2:44.

• Ndopo Yehovaa o ka linga ovina omanu ka va tẽla oku linga okuti oku nena ombembua yi kala otembo yosi. Ndamupi? Soma Yusoma waye kilu, o ka kundula ovota osi kuenda oku malako ungangala.—Os 46:8, 9.

Oco o lilongise ovina vikuavo vi lekisa eci Usoma wa Suku u ka tẽlisa, tanga ocipama losapi “O Reino de Deus Vai Trazer “Abundância De Paz.’”