زبور

127 اگر یہوواہ گھر نہ بنائے

تو اِسے بنانے والوں کی محنت بے‌کار ہے۔‏

اگر یہوواہ شہر کی حفاظت نہ کرے

تو پہرےدار کا جاگتے رہنا بے‌کار ہے۔‏

 2 تمہارا صبح جلدی اُٹھنا،‏

رات دیر تک جاگنا

اور خوراک کے لیے محنت کرنا بے‌کار ہے

کیونکہ خدا اُن کی ضرورتیں پوری کرتا ہے جن سے وہ پیار کرتا ہے

 3 دیکھو!‏ اولاد*‏ یہوواہ کی طرف سے نعمت*‏ ہے؛‏

پیٹ کا پھل اُس کی طرف سے اجر ہے۔‏

 4 جوانی میں پیدا ہونے والے بیٹے ایسے ہوتے ہیں

جیسے طاقت‌ور شخص کے ہاتھ میں تیر۔‏

اُنہیں شرمندگی نہیں اُٹھانی پڑے گی

کیونکہ وہ شہر کے دروازے پر اپنے دُشمنوں کو جواب دیں گے۔‏