Joshua
12 Asaọkiephana enana yen ivie rẹ otọ na rẹ ihwo rẹ Izrẹl phikparobọ, ihwo rẹ ayen re ughwẹ rẹ otọ rayen vwẹ ẹbẹre ọnre va nẹcha ri Jọdan, vwo nẹ Iyara* rẹ Anọn re te Ugbenu ri Hẹmọn kugbe ẹbẹre ọnre va nẹcha eje rẹ Araba: 2 Ovie Saihọn rẹ ihwo rẹ Amọ, rọ dia Hẹshbọn ro sun vwo nẹ Aroa, rọhẹ orhoma rẹ Iyara* rẹ Anọn, kugbe vwo nẹ uherevie rẹ iyara na, vẹ ubro ri Giliẹd rhirin re te Iyara* ri Jabọk, ughwru rẹ ihwo rẹ Amọn. 3 Ọyen ji sun Araba na rhirin re te Abadi ri Kinẹrẹt* vwẹ ẹbẹre ọnre va nẹcha kugbe re te Abadi rẹ Araba, Abadi rẹ Ughwanka* na, kpo ẹbẹre ọnre va nẹcha ri Bẹt-jẹshimọt, kugbe obọrhen ọnre vwẹ obotọ rẹ eghwrọrọ ri Pisga.
4 Ọtiọyen ji te ekogho rẹ Ovie Ọg ri Beshan, rọ dia ọvo vwẹ usun rẹ ihwo ri Rẹfeim re diarọ kuko rọ dia Ashtarọt kugbe Ẹdriai, 5 ro sunru vwẹ Ugbenu ri Hẹmọn, vwẹ Salẹka, kugbe Beshan eje, rhirin re te ughwru rẹ ihwo ri Gẹshọ kugbe ihwo ri Meakat, kugbe ubro ri Giliẹd, re te ekogho rẹ Ovie Saihọn ri Hẹshbọn.
6 Mosis odibo ri Jihova kugbe ihwo rẹ Izrẹl phi ayen kparobọ, ọyena vwọ wan nu, Mosis odibo ri Jihova da vwẹ otọ rayen vwọ kẹ uvwiẹ ri Rubẹn, uvwiẹ ri Gad, kugbe ubro rẹ uvwiẹ ri Manasẹ nẹ ayen vwọ re ughwẹ.
7 Enana yen ivie rẹ otọ na rẹ Joshua vẹ ihwo rẹ Izrẹl phikparobọ vwẹ ẹbẹre ọnre shera ri Jọdan, vwo nẹ Bel-gad vwẹ Iyara ri Lẹbanọn rhirin re te Ugbenu ri Helak, ro kpo Siẹ, ọyena vwọ wan nu, Joshua da vwẹ otọ rayen vwọ kẹ ivwiẹ rẹ Izrẹl nẹ ayen vwọ re ughwẹ vwo nene ẹkẹn rayen, 8 vwẹ ekogho rẹ igbenu na, vwẹ Shẹfila na, vwẹ Araba na, vwẹ eghwrọrọ na, vwẹ aton na, kugbe vwẹ Nẹgẹb na—otọ rẹ ihwo ri Hẹt, ihwo rẹ Amọ, ihwo ri Kenan, ihwo ri Pẹriz, ihwo ri Haiv, kugbe ihwo ri Jẹbus:
9 Ovie ri Jẹriko, ọvo; ovie rẹ Ai, rọhẹ orhoma ri Bẹtẹl, ọvo;
10 ovie ri Jerusalẹm, ọvo; ovie ri Hẹbrọn, ọvo;
11 ovie ri Jamọt, ọvo; ovie ri Lekish, ọvo;
12 ovie rẹ Ẹglọn, ọvo; ovie ri Giza, ọvo;
13 ovie ri Dibiẹ, ọvo; ovie ri Gida, ọvo;
14 ovie ri Họma, ọvo; ovie rẹ Erad, ọvo;
15 ovie ri Libna, ọvo; ovie rẹ Adọlam, ọvo;
16 ovie ri Makida, ọvo; ovie ri Bẹtẹl, ọvo;
17 ovie ri Tapua, ọvo; ovie ri Hifa, ọvo;
18 ovie rẹ Efẹk, ọvo; ovie ri Lasharọn, ọvo;
19 ovie ri Medọn, ọvo; ovie ri Hezọ, ọvo;
20 ovie ri Shimrọn-mirọn, ọvo; ovie rẹ Akshaf, ọvo;
21 ovie ri Teanak, ọvo; ovie ri Mẹgido, ọvo;
22 ovie ri Kidẹsh, ọvo; ovie ri Jọkniam vwẹ Kamẹl, ọvo;
23 ovie ri Dọ vwẹ eghwrọrọ ri Dọ, ọvo; ovie ri Goim vwẹ Gilga, ọvo;
24 ovie ri Tiẹza, ọvo; ivie na ejobi 31.