Iguẹdjọ

 2 “Fikirẹ ẹton re jẹ ẹgba* vwẹ Izrẹl,

Fikirẹ ihwo na re vwomakpahotọ,

Jiri Jihova!

 4 Jihova, ọke wo vwo nẹ Siẹ rhe,

Ọke wọ vwọ yan phia vwo nẹ ekogho rẹ Idọm,

Akpọ na kpoghori, idjuvwu na de ku ame phiyotọ,

Evwru na ku ame phiyotọ.

 5 Igbenu wranre* vwẹ obaro ri Jihova,

Sainai dede vwẹ obaro ri Jihova, Ọghẹnẹ rẹ Izrẹl.

 6 Vwẹ ọke ri Shamga ọmọ rẹ Enat,

Vwẹ ọke ri Jeẹl, a rha wan idjerhe naa;

Idjerhe rẹ obuko na kọyen ihwo ri kpo oyan wan.

 7 Ihwo re dia eko vwẹ Izrẹl rha herọọ;

Ayen rha herọọ, bẹsiẹ mẹvwẹ ri Dẹbora vwo vrẹn,

Bẹsiẹ mi vwo vrẹn kerẹ oni vwẹ Izrẹl.

 8 Ayen jẹ eghẹnẹ kpokpọ;

Ofovwin da rhe dia anurhoro na.

A sa mrẹ ekpọfia yẹrẹ ubirii,

Vwẹ ohri rẹ ihwo 40,000 vwẹ Izrẹl.

 9 Ubiudu mẹ vẹ inotu rẹ Izrẹl herọ,

Ihwo re vwomakpahotọ nene ihwo na yanran.

10 Ovwan re gua ekẹkẹtẹ re brani,

Ovwan ri chidia enu rẹ ikapẹti iyoyovwin,

Kugbe ovwan re yan vwẹ idjerhe,

Ovwan roro ọnana!

11 E nyo urhuru rẹ ihwo re ghara ame vwẹ asan ame na;

Ayen gbikun rẹ iruo ọsoso ri Jihova vwẹ etiyin,

Iruo ọsoso rẹ ihwo re dia eko rọyen vwẹ Izrẹl.

13 Ihwo ri chekọ na de bru ihwo ride na rhe;

Ihwo ri Jihova de bru vwe rhe rhe vwọso egba na.

14 Ifrem yen ayen nurhe, ihwo rehẹ iyara* na;

Ayen nene uwe, E Bẹnjamin, vwẹ ohri rẹ ihwo wẹn.

Mekiẹ yen inotu na nu yanran,

Zẹbulọn yen ihwo re yọnrọn ọkpọ rẹ ọgba ofovwin* na nurhe.

15 Isun rẹ Isaka vẹ Dẹbora herọ,

Kirobo rẹ Dẹbora vẹ Isaka diarọ, ọtiọyen Berak vẹ Dẹbora je dia.

16 Diesorọ wo vwo chidia phiyọ uherevie rẹ ekpu rẹ oghwa ivẹ,

Ru wọ vwọ kerhọ rayen, rẹ ayen vwo hworo uhworo kẹ igodẹ na?

17 Giliẹd daji obovrẹ ri Jọdan na;

Dan, diesorọ ọ vwọ domaji vẹ ikuna na?

Asha chidia orhoma rẹ abadi na jẹ o ruẹ emuọvoo,

Unuerhuru rọyen yen ọ da domaji.

18 Zẹbulọn eyen ihwo ri phi arhọ rayen phiyọ ẹdia rẹ imuoshọ te ẹdia rẹ ughwu;

Ihwo ri Naftalai ji phi arhọ rayen phiyọ ẹdia rẹ imuoshọ vwẹ ugbenu na.

19 Ivie rhere, ayen da họnre;

Ivie ri Kenan da je họnre

Vwẹ Teanak, vwẹ orhoma rẹ ame ri Mẹgido.

20 Isio na họnre vwo nẹ obodjuvwu rhe;

Vwo nẹ idjerhe rayen, ayen họnre vwọso Sisẹra.

21 Ọkẹre* ri Kaishọn na mu ayen yanran,

Ọkẹre* rẹ awanre na, ọkẹre* ri Kaishọn.

22 E de rhi nyo edo rẹ ichiyin rẹ iyesi ri pho

Rẹ iyesi rọyen vwọ djẹ vẹ ophu ọgangan.

23 ‘Ekan kẹ Mirọz,’ ọtiọyen amakashe ri Jihova tare,

‘E, ekan kẹ ihwo re dia evun rọyen,

Kidie ayen rhe vwẹ ukẹcha kẹ Jihovaa,

Ayen rhe vwẹ ukẹcha kẹ egba na vwẹ ofovwin ri Jihovaa.’

24 Jeẹl yen e me bruba kẹ vwẹ usun rẹ eya na

Aye ri Hiba ohwo ri Kẹn na;

Ọyen e me bruba kẹ vwẹ usun rẹ eya re dia itughẹ.

26 Ọ da vwẹ obọ rọyen vwọ reyọ ipini rẹ utughẹ na,

Ọ da vwẹ obọrhen rọyen vwọ yọnrọn ihama rẹ urhe.

Ọ da teyen Sisẹra, ọ da guọghọ uyovwin rọyen,

Ọ da guọghọ ji duvwun ẹbẹre ọvo rẹ arhare rọyen fi.

27 O she teyen otọ vwẹ uvwre rẹ awọ rọyen; o sheri, o rhe kpogho omaa;

Uvwre rẹ awọ rọyen yen o de she teyen otọ, o sheri;

Asan ro she teyen na, etiyin e de phio kparobọ.

28 Vwẹ ovakpo na aye ọvo de ni otafe,

Oni ri Sisẹra da riẹn ohọre ni otafe vwẹ ovakpo na,

‘Diesorọ akpẹrẹ rọyen vwo gbeghẹrẹ?

29 Eya re ma ghwanre vwẹ ọguan rọyen ke cha kpahen kẹ;

E, ọ je cha vwanriẹn kẹ omobọ rọyen,

30 ‘O muẹro nẹ ayen ghara ekuakua rẹ ayen mrẹre,

Ọmọtẹ* ọvo, emetẹ* ivẹ, vwọ kẹ ọgba ofovwin ọvuọvo,

Ewun ro vwo ikọlọ vwọ kẹ Sisẹra, ewun ro vwo ikọlọ,

Ewun re bru ona phiyọ, ewun ro vwo ikọlọ, iwun ivẹ re bru ona phiyọ

Vwọ kẹ ohọre rẹ ihwo re ghwẹ ekuakua reyọ na.’

31 Ọtiọyena e jẹ ivwighrẹn wẹn ejobi ghwọrọ, E Jihova,

Ẹkẹvuọvo e jẹ ihwo ri vwo ẹguọnọ wẹn dia kerẹ ọnre rọ va cha vwevunrẹ urinrin rọyen.”