Nene Ihwo ri Vwo Ẹguọnọ rẹ Jihova Ghwọrọ Ọke Kugbe

Diesorọ e vwo nene ihwo ri vwo ẹguọnọ rẹ Jihova ghwọrọ ọke kugbe? Kidie igbeyan rẹ avwanre sa nẹrhẹ e ru erhuvwu yẹrẹ umiovwo. (Isẹ 13:20) Kerẹ udje, Ovie Jehoash “ru obo ri yoma vwẹ ẹro rẹ Ọrovwohwo” ọke rọ vẹ Orherẹ Rọde Jehoiada vwọ ghwọrọ ọke kugbe. (2 Ikun 24:2) Jehoiada vwo ghwu nu, Jehoash da kpairoro vrẹ Jihova fikirẹ erharhe rẹ igbeyan ro neneri.—2 Ikun 24:7-19.

Vwẹ ẹgbukpe ujorin rẹsosuọ, ọyinkọn Pọl da reyọ ukoko rẹ Inenikristi vwo dje “uwevwi rode,” ọ da rha vwẹ ihwo rehẹ ukoko na vwo dje “ekuakua” rehẹ evunrẹ uwevwin na. Avwanre sa dia “ekuakua re mu ọghọ kẹ” siẹrẹ a rha vwẹ ugbeyan vwo mu ihwo orua yẹrẹ ihwo rehẹ ukoko na ri ruẹ obo re brare-e. (2 Tim. 2:20, 21) Ọtiọyena, e gbe jẹ avwanre mu ugbeyan rẹ ihwo ri vwo ẹguọnọ rẹ Jihova re je sa chọn avwanre uko vwọ ga.

NI IVIDIO NA KẸNOMA KẸ ORHARHE RẸ ỌYANKUGBE, RERE WỌ KPAHENPHIYỌ ENỌ NANA:

• Idjerhe vọ yen avwanre vẹ erharhe rẹ ihwo se vwo mu igbeyan?

• Vwevunrẹ ividio na, die yen vwẹ ukẹcha kẹ iniọvo erha na vwọ sen orharhe rẹ ọyankugbe?

• Uchebro rẹ Baibol vọ yen sa chọn avwanre uko vwọ vwẹ aghwanre sanẹ omamọ rẹ igbeyan?