Ukeri

26 Ọtiekọ na vwo nẹ otọ nu, Jihova da ta kẹ Mosis vẹ Ẹlieza ọmọ rẹ Erọn orherẹn na: 2 “Kere ọghwẹgbe rẹ ihwo rẹ Izrẹl eje rehẹ ẹgbukpe 20 kpenu vwo nene iwevwin rẹ esẹ rayen, kere ayen eje re sa ga vwẹ otuofovwin rẹ Izrẹl.” 3 Ọtiọyena Mosis vẹ Ẹlieza orherẹn na de nene ayen ta ota vwẹ aton ri Moab vwẹ orhoma ri Jọdan rọ kẹrẹ Jẹriko, ayen da ta: 4 “Kere ihwo rehẹ ẹgbukpe 20 kpenu kirobo rẹ Jihova ji iji rọyen kẹ Mosis.”

Asaọkiephana emọ rẹ Izrẹl ri vrẹn nẹ otọ rẹ Ijipt yen: 5 Rubẹn, ọmọkpako rẹ Izrẹl; emọ ri Rubẹn yen: Henọk, orua rẹ ihwo ri Henọk; Palu, orua rẹ ihwo ri Palu; 6 Hẹzrọn, orua rẹ ihwo ri Hẹzrọn; Kamai, orua rẹ ihwo ri Kamai. 7 Enana yen erua rẹ uvwiẹ ri Rubẹn, ihwo re si edẹ rayen phiyotọ vwẹ usun rayen da dia 43,730.

8 Ọmọ ri Palu yen Elayab. 9 Emọ rẹ Elayab yen Nẹmuẹl, Detan, vẹ Abairam. Detan vẹ Abairam nana yen ihwo ra sanere vwẹ ọghwẹgbe na re vẹ ẹko ri Kora gba họnre vwọso Mosis vẹ Erọn ọke rẹ ayen vwọ họnre vwọso Jihova.

10 Ọtiọyena otọ na de rhiephiyọ,* ọ da rọ ayen. Kora vẹ ihwo ri biẹcha de ghwu ọke rẹ erhanre vwọ torhẹ eshare 250. Ayen da rhe dia udje rẹ orhọesio. 11 Ẹkẹvuọvo emọ ri Kora ghwuruu.

12 Emọ ri Simiọn vwo nene erua rayen yen Nẹmuẹl, orua rẹ ihwo ri Nẹmuẹl; Jemin, orua rẹ ihwo ri Jemin; Jekin, orua rẹ ihwo ri Jekin; 13 Zira, orua rẹ ihwo ri Zira; Sheọl, orua rẹ ihwo ri Sheọl. 14 Enana yen erua rẹ uvwiẹ ri Simiọn: 22,200.

15 Emọ ri Gad vwo nene orua rayen yen: Zifọn, orua rẹ ihwo ri Zifọn; Hagai, orua rẹ ihwo ri Hagai; Shunai, orua rẹ ihwo ri Shunai; 16 Ọznai, orua rẹ ihwo rẹ Ọznai; Irai, orua rẹ ihwo rẹ Irai; 17 Arọd, orua rẹ ihwo rẹ Arọd; Arilai, orua rẹ ihwo rẹ Arilai. 18 Enana yen erua rẹ emọ ri Gad, ihwo re si edẹ rayen phiyotọ vwẹ usun rayen da dia 40,500.

19 Emọ ri Juda yen Ẹr vẹ Onan. Ẹkẹvuọvo Ẹr vẹ Onan ghwuru vwẹ otọ ri Kenan. 20 Emọ ri Juda vwo nene erua rayen yen: Shila, orua rẹ ihwo ri Shila; Pirẹz, orua rẹ ihwo ri Pirẹz; Zira, orua rẹ ihwo ri Zira. 21 Emọ ri Pirẹz yen: Hẹzrọn, orua rẹ ihwo ri Hẹzrọn; Hemọl, orua rẹ ihwo ri Hemọl. 22 Enana yen erua ri Juda, ihwo re si edẹ rayen phiyotọ vwẹ usun rayen da dia 76,500.

23 Emọ rẹ Isaka vwo nene erua rayen yen: Tola, orua rẹ ihwo ri Tola; Puva, orua rẹ ihwo ri Puva; 24 Jeshọb, orua rẹ ihwo ri Jeshọb; Shimrọn, orua rẹ ihwo ri Shimrọn. 25 Enana yen erua rẹ Isaka, ihwo re si edẹ rayen phiyotọ vwẹ usun rayen da dia 64,300.

26 Emọ ri Zẹbulọn vwo nene erua rayen yen: Sirẹd, orua rẹ ihwo ri Sirẹd: Ilọn, orua rẹ ihwo rẹ Ilọn; Jaleẹl, orua rẹ ihwo ri Jaleẹl. 27 Enana yen erua rẹ ihwo ri Zẹbulọn, ihwo re si edẹ rayen phiyotọ vwẹ usun rayen da dia 60,500.

28 Emọ ri Josẹf vwo nene erua rayen yen: Manasẹ vẹ Ifrem. 29 Emọ ri Manasẹ yen: Mekiẹ, orua rẹ ihwo ri Mekiẹ; Mekiẹ da rhe dia ọsẹ ri Giliẹd; Giliẹd, orua rẹ ihwo ri Giliẹd. 30 Enana yen emọ ri Giliẹd: Aiza, orua rẹ ihwo rẹ Aiza; Hilẹk, orua rẹ ihwo ri Hilẹk; 31 Azriẹl, orua rẹ ihwo rẹ Azriẹl; Shikẹm, orua rẹ ihwo ri Shikẹm; 32 Shimaida, orua rẹ ihwo ri Shemaida; Hifa, orua rẹ ihwo ri Hifa. 33 Asaọkiephana Zẹlofihad ọmọ ri Hifa vwiẹ emesharee, emetẹ ọvo, edẹ rẹ emetẹ ri Zẹlofihad yen Mala, Noa, Họgla, Milka, kugbe Tiẹza. 34 Enana yen erua ri Manasẹ, ihwo re si edẹ rayen phiyotọ vwẹ usun rayen da dia 52,700.

35 Enana yen emọ rẹ Ifrem vwo nene erua rayen: Shutẹla, orua rẹ ihwo ri Shutẹla: Bika, orua rẹ ihwo ri Bika; Tehan, orua rẹ ihwo ri Tehan. 36 Enana yen emọ ri Shutẹla: Iran, orua rẹ ihwo rẹ Iran. 37 Enana yen erua rẹ emọ rẹ Ifrem, ihwo re si edẹ rayen phiyotọ vwẹ usun rayen da dia 32,500. Enana yen emọ ri Josẹf vwo nene erua rayen.

38 Emọ ri Bẹnjamin vwo nene erua rayen yen: Bila, orua rẹ ihwo ri Bila; Ashbẹl, orua rẹ ihwo rẹ Ashbẹl; Ahairam, orua rẹ ihwo rẹ Ahairam; 39 Shifufam, orua rẹ ihwo ri Shifufam; Hufam, orua rẹ ihwo ri Hufam. 40 Emọ ri Bila yen Ad vẹ Neman: Ad, orua rẹ ihwo rẹ Ad; Neman, orua rẹ ihwo ri Neman. 41 Enana yen emọ ri Bẹnjamin vwo nene erua rayen, ihwo re si edẹ rayen phiyotọ vwẹ usun rayen da dia 45,600.

42 Enana yen emọ ri Dan vwo nene erua rayen: Shuham, orua rẹ ihwo ri Shuham. Enana yen erua ri Dan vwo nene erua rayen. 43 Ihwo re si edẹ rayen phiyotọ vwẹ orua ri Shuham eje da dia 64,400.

44 Emọ rẹ Asha vwo nene erua rayen yen: Imnah, orua rẹ ihwo rẹ Imnah; Ishvai, orua rẹ ihwo rẹ Ishvai; Beraya, orua rẹ ihwo ri Beraya; 45 emọ ri Beraya: Hiba, orua rẹ ihwo ri Hiba; Malkiẹ, orua rẹ ihwo ri Malkiẹ. 46 Odẹ rẹ ọmọtẹ rẹ Asha yen Sira. 47 Enana yen erua rẹ emọ rẹ Asha, ihwo re si edẹ rayen phiyotọ vwẹ usun rayen da dia 53,400.

48 Emọ ri Naftalai vwo nene erua rayen yen: Jahziẹl, orua rẹ ihwo ri Jahziẹl; Gunai, orua rẹ ihwo ri Gunai; 49 Jiza, orua rẹ ihwo ri Jiza; Shilẹm, orua rẹ ihwo ri Shilẹm. 50 Enana yen erua ri Naftalai vwo nene erua rayen, ihwo re si edẹ rayen phiyotọ vwẹ usun rayen da dia 45,400.

51 Enana yen ukeri rẹ ihwo rẹ Izrẹl eje re kereri: 601,730.

52 Ọyena vwọ wan nu, Jihova da ta kẹ Mosis: 53 “Enana yen ihwo wọ cha ghare otọ na kẹ kerẹ uku vwo nene edẹ re si phiyotọ na.* 54 Vwọ kẹ ẹko ri bunru, wo mi phiba uku rayen. Vwọ kẹ ẹko re hanvwere, wo mi si nẹ uku rayen. Wọ me ghare uku vwọ kẹ ẹko ọvuọvo utute vwo nene uchunu rẹ ihwo re kereri na. 55 Ẹkẹvuọvo wọ me vwẹ itẹ vwọ ghare otọ na. Wọ me ghare uku kẹ ayen vwo nene edẹ rẹ uvwiẹ rẹ esẹ rayen. 56 Itẹ yen wọ cha vwọ ghare uku rayen ọvuọvo vwọ kẹ ayen, vwo nene ẹko ri bunru vẹ ẹko re hanvwere.”

57 Asaọkiephana, enana yen ihwo ri Livae re si edẹ rayen phiyotọ vwo nene erua rayen: Gẹshọn, orua rẹ ihwo ri Gẹshọn; Kohat, orua rẹ ihwo ri Kohat; Mẹrerai, orua rẹ ihwo ri Mẹrerai. 58 Enana yen erua rẹ ihwo ri Livae: orua ri Libnai, orua ri Hẹbrọn, orua ri Malai, orua ri Mushai, orua ri Kora.

Kohat da rhe dia ọsẹ rẹ Amram. 59 Odẹ rẹ aye rẹ Amram da dia Jọkibẹd, ọmọtẹ ri Livae, rẹ aye rọyen vwiẹ kẹ vwẹ Ijipt. O de vwiẹ Erọn vẹ Mosis kugbe oniọvo rayen ọmọtẹ Miriam kẹ Amram. 60 E de rhe vwiẹ Nedab, Abaihu, Ẹlieza, kugbe Itama kẹ Erọn. 61 Ẹkẹvuọvo Nedab kugbe Abaihu ghwuru kidie ayen torhẹ erhanre rẹ urhi rhọnvwephiyọọ vwẹ obaro ri Jihova.

62 Ihwo eje re kereri da dia 23,000, emeshare eje rehẹ emeranvwe ọvo kpenu. E kere ayen ba ihwo rẹ Izrẹẹl, kidie a cha vwẹ uku vuọvo kẹ ayen vwẹ ohri rẹ ihwo rẹ Izrẹẹl.

63 Enana yen ihwo rẹ Mosis vẹ Ẹlieza orherẹn na kereri ọke rẹ ayen vwo kere ihwo rẹ Izrẹl vwẹ aton ri Moab, vwẹ Jọdan rọ kẹrẹ Jẹriko. 64 Ẹkẹvuọvo vwẹ usun rayen, o vwo ohwo vuọvo rẹ Mosis vẹ Erọn orherẹn na si odẹ rọyen phiyotọ ọke rẹ ayen vwo kere ihwo rẹ Izrẹl vwẹ aton ri Sainaii. 65 Kidie Jihova ta kpahen ayen jovwo nẹ, “O vwo obo rọ wanree, ayen che ghwu vwẹ aton na.” Ọtiọyena o vwo ohwo vuọvo ro chekọ vwẹ usun rayeen, jokparẹ Kelẹb ọmọ ri Jẹfunẹ kugbe Joshua ọmọ ri Nọn.