Ukeri

7 Vwẹ ẹdẹ rẹ Mosis vwẹ itabanako na vwo vi, ọ da vwẹ evwri vwo ghworo ji ruo fon, ọ vẹ erọnvwọn eje ra vwọ rhuẹrẹ fia, agbada na vẹ ekuakua rọyen eje. Ọke rọ vwọ vwẹ evwri vwo ghworo erọnvwọn nana ji ru ayen fon nu, 2 isun rẹ Izrẹl, igbuyovwin rẹ iwevwin rẹ esẹ rayen de ze izobo. Isun rẹ ivwiẹ nana re vwẹrote edẹ esio na 3 da vwẹ izobo rayen rhe obaro ri Jihova, akpẹrẹ esan re rhurhuru kugbe erhuẹn 12, isun ivẹ vwẹ akpẹre ọvo kpahotọ, osun ọvuọvo da rha vwẹ erhuẹn ọvo kpahotọ; ayen da vwẹ ayen vwọ kpahotọ vwẹ obaro rẹ itabanako na. 4 Jihova da ta kẹ Mosis: 5 “Reyọ erọnvwọn nana mie ayen kidie a cha vwẹ ayen vwo ruiruo vwẹ ẹga rẹ utughẹ ra da vwoma na, wọ me vwẹ ayen vwọ kẹ ihwo ri Livae, vwẹ ayen kẹ ohwo ọvuọvo vwo nene obo rọ guọnọre vwọ kẹ iruo rọyen.”

6 Ọtiọyena Mosis da reyọ ekpẹrẹ na kugbe erhuẹn na, ọ da vwẹ ayen kẹ ihwo ri Livae na. 7 Ọ vwẹ ekpẹre ivẹ kugbe erhuẹn ẹne vwọ kẹ emọ ri Gẹshọn, vwo nene oborẹ ayen guọnọre vwọ kẹ iruo rayen; 8 ọ da rha vwẹ ekpẹre ẹne kugbe erhuẹn ẹrenren vwọ kẹ emọ ri Mẹrerai, vwo nene oborẹ ayen guọnọre vwọ kẹ iruo rayen, vwẹ otọ rẹ odjekẹ rẹ Itama ọmọ rẹ Erọn orherẹn na. 9 Ẹkẹvuọvo ọ vwẹ ọvuọvo vwọ kẹ emọ ri Kohatii kidie iruo rayen churobọ si ẹga rẹ asan ọfuanfon na, ayen muẹ ekuakua efuanfon na kpahan igabọ rayen.

10 Isun na da vwẹ izobo rayen vwọ kpahotọ vwẹ ẹdẹ ẹvwọkpahotọ rẹ agbada na, vwẹ ẹdẹ ra vwẹ evwri ghworo na. Ọke rẹ isun na vwọ vwẹ izobo rayen vwọ kpahotọ vwẹ obaro rẹ agbada na, 11 Jihova da ta kẹ Mosis: “Osun ọvuọvo me vwẹ izobo rọyen vwọ kpahotọ vwọ kẹ ẹvwọkpahotọ rẹ agbada na vwẹ ẹdẹ ọvuọvo re vwọ kpahen ohwohwo.”

12 Ohwo rọ vwẹ izobo rọyen vwọ kpahotọ vwẹ ẹdẹ rẹsosuọ na yen Nashọn ọmọ rẹ Aminadab, ohwo rẹ uvwiẹ ri Juda. 13 Izobo rọyen ọyen omoze rẹ idọnọ efuanfon ọvo ro vwo ọnyẹ te shẹkẹl* 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na,* ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 14 uko rẹ oro* ọvo ro vwo ọnyẹ te shẹkẹl 10 rọ vọnre vẹ insẹnsi; 15 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen, vwọ kẹ izobo rẹ ẹtorhẹ; 16 ẹmẹvwe ọvo vwọ kẹ izobo rẹ umwemwu; 17 kugbe erhuẹn ivẹ, egbon iyorin, okri* iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo ri Nashọn ọmọ rẹ Aminadab.

18 Vwẹ ẹdẹ rivẹ, Nẹtanẹl ọmọ ri Zua osun rẹ Isaka da vwẹ izobo vwọ kpahotọ. 19 Ọ vwẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na vwọ kpahotọ kerẹ izobo rọyen, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 20 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 21 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 22 ẹmẹvwe ọvo vwọ kẹ izobo rẹ umwemwu; 23 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo ri Nẹtanẹl ọmọ ri Zua.

24 Vwẹ ẹdẹ rerha, osun rẹ emọ ri Zẹbulọn, Elayab ọmọ ri Hilọn, 25 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 26 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 27 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 28 ẹmẹvwe ọvo vwọ kẹ izobo rẹ umwemwu; 29 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Elayab ọmọ ri Hilọn.

30 Vwẹ ẹdẹ rẹne, osun rẹ emọ ri Rubẹn, Ẹlaizọ ọmọ ri Shẹdaọ, 31 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 32 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 33 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 34 ẹmẹvwe ọvo vwọ kẹ izobo rẹ umwemwu; 35 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Ẹlaizọ ọmọ ri Shẹdaọ.

36 Vwẹ ẹdẹ riyorin, osun rẹ emọ ri Simiọn, Shilumiẹl ọmọ ri Zurishadai, 37 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 38 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 39 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 40 ẹmẹvwe ọvo vwọ kẹ izobo rẹ umwemwu; 41 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo ri Shilumiẹl ọmọ ri Zurishadai;

42 Vwẹ ẹdẹ resan, osun rẹ emọ ri Gad, Elayasaf ọmọ ri Duẹl, 43 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 44 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 45 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 46 ẹmẹvwe ọvo vwọ kẹ izobo rẹ umwemwu; 47 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Elayasaf ọmọ ri Duẹl.

48 Vwẹ ẹdẹ righwrẹn, osun rẹ emọ rẹ Ifrem, Ẹlishama ọmọ rẹ Amaihọd, 49 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 50 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 51 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 52 ẹmẹvwe ọvo vwọ kẹ izobo rẹ umwemwu; 53 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Ẹlishama ọmọ rẹ Amaihọd.

54 Vwẹ ẹdẹ rẹrenren, osun rẹ emọ ri Manasẹ, Gameliẹl ọmọ ri Pẹdazọ, 55 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 56 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 57 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 58 ẹmẹvwe ọvo vwọ kẹ izobo rẹ umwemwu; 59 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo ri Gameliẹl ọmọ ri Pẹdazọ.

60 Vwẹ ẹdẹ rirhirin, osun rẹ emọ ri Bẹnjamin, Abidan ọmọ ri Gidiọnai, 61 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 62 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 63 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 64 ẹmẹvwe ọvo vwọ kẹ izobo rẹ umwemwu; 65 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Abidan ọmọ ri Gidiọnai.

66 Vwẹ ẹdẹ rihwe, osun rẹ emọ ri Dan, Ahaiza ọmọ rẹ Amashada, 67 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 68 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 69 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 70 ẹmẹvwe ọvo vwọ kẹ izobo rẹ umwemwu; 71 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Ahaiza ọmọ rẹ Amashada.

72 Vwẹ ẹdẹ 11, osun rẹ emọ rẹ Asha, Pegiẹl ọmọ rẹ Ọkran, 73 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 74 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 75 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 76 ẹmẹvwe ọvo vwọ kẹ izobo rẹ umwemwu; 77 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo ri Pegiẹl ọmọ rẹ Ọkran.

78 Vwẹ ẹdẹ 12, osun rẹ emọ ri Naftalai, Ahaira ọmọ rẹ Inan, 79 de ze izobo rọyen rẹ omoze rẹ idọnọ efuanfon ọvo ro vwo ọnyẹ te shẹkẹl 130 kugbe omoze okokodo rẹ idọnọ efuanfon ọvo ro vwo ọnyẹ te shẹkẹl 70 vwo nene uwan ri shẹkẹl rẹ asan ọfuanfon na, ayen ivẹ na vọnre vẹ omamọ rẹ iflawa ra vwẹ evwri gua vwọ kẹ izobo rẹ eka; 80 uko rẹ oro ọvo ro vwo ọnyẹ te shẹkẹl 10 rọ vọnre vẹ insẹnsi; 81 erhuẹn otete ọvo, egbon ọvo, kugbe omogodẹ ọshare ọvo rọhẹ ukpe rẹsosuọ rọyen vwọ kẹ izobo rẹ ẹtorhẹ; 82 ẹmẹvwe ọvo vwọ kẹ izobo rẹ umwemwu; 83 kugbe erhuẹn ivẹ, egbon iyorin, okri iyorin, vẹ imigodẹ eshare iyorin rẹ ọvuọvo rayen hẹ ẹgbukpe ọvo vwọ kẹ izobo rẹ ọrekugbe. Ọnana yen izobo rẹ Ahaira ọmọ rẹ Inan.

84 Ọnana yen izobo rẹ ẹvwọkpahotọ rẹ agbada na rẹ isun rẹ Izrẹl vwọ kpahotọ ọke ra vwọ vwẹ evwri ghworo: imize rẹ idọnọ efuanfon 12, imize ikokodo rẹ idọnọ efuanfon 12, iko rẹ oro 12; 85 omoze rẹ idọnọ efuanfon na ọvuọvo vwo ọnyẹ te shẹkẹl 130, omoze okokodo ọvuọvo vwo ọnyẹ te shẹkẹl 70, ekuakua ra vwẹ idọnọ efuanfon vwo ru eje da dia shẹkẹl 2,400 vwo nene uwan ri shẹkẹl rẹ asan ọfuanfon na; 86 iko rẹ oro 12 re vọnre vẹ insẹnsi na, ọvuọvo vwo ọnyẹ te shẹkẹl 10 vwo nene uwan ri shẹkẹl rẹ asan ọfuanfon na, iko rẹ oro na eje da dia shẹkẹl 120. 87 Ichuru na eje re vwo ze izobo rẹ ẹtorhẹ na da dia erhuẹn 12, egbon 12, imigodẹ eshare 12 rẹ ọvuọvo rọyen hẹ ẹgbukpe ọvo vẹ izobo rẹ eka rayen, kugbe ẹmẹvwe 12 vwọ kẹ izobo rẹ umwemwu; 88 ichuru na eje re vwo ze izobo rẹ ọrekugbe na da dia erhuẹn 24, egbon 60, okri 60, imigodẹ eshare 60 rẹ ọvuọvo rayen hẹ ẹgbukpe ọvo. Ọnana yen izobo rẹ ẹvwọkpahotọ rẹ agbada na ọke ra vwọ vwẹ evwri ghworo nu.

89 Kọke kọke rẹ Mosis da ro evunrẹ utughẹ ra da vwoma na re nene Ọghẹnẹ ta ota, o mi nyo urhuru ro nene ta ota na vwo nẹ obenu rẹ urhurho rẹ ekpeti rẹ Oseri na rhe, vwẹ uvwre rẹ chẹrub ivẹ na; Ọghẹnẹ me ta ota kẹ.