Iyono ri Baibol re Vwerhen Avwanre Eyono

Jesu tare nẹ ihwo ri vwo omamọ rẹ ẹwẹn che vughe uyota na ọke rẹ ayen de nyo. (Jọn 10:​4, 27) Ọtiọyena, avwanre de nene ihwo ta ota, avwanre guọnọ dje uyota ri Baibol re pha lọlọhọ kẹ ayen. Wọ sa ton ota wẹn phiyọ womarẹ enọ kerẹ: “Wọ riẹnre nẹ . . . ?” yẹrẹ “Wo nyore nẹ . . . ?” Wọ me reyọ ẹkpo ri Baibol ri churobọ si enọ na vwo dje uyota na phia. Avwanre da vuẹ ihwo kpahen uyota elọlọhọ rehẹ Baibol na, jẹ a kọn ubi rẹ uyota na phiyọ ubiudu rayen, Ọghẹnẹ me nẹrhẹ ọ djẹ!​—1Kọ 3:​6, 7.

• Obaro Na

• Orua

• Ọghẹnẹ

• Ẹrhovwo

• Jesu

• Uvie rẹ Ọghẹnẹ

• Ojaẹriọ

• Ughwu

• Ẹga

OBARO NA

1. 1. Erọnvwọn re phia asaọkiephana kugbe uruemu rẹ ihwo djephia, ọyen odjephia nẹ erọnvwọn che wene kẹrẹkpẹ.​—Mt 24:​3, 7, 8; Lu 21:​10, 11; 2Ti 3:​1-5.

2. 2. A cha ghwọrọ otọrakpọ na kakaka-a.​—Un 104:5; Agh 1:4.

3. 3. Otọrakpọ na che hirhephiyọ iparadaisi kirobo rọ hepha jovwo.​—Aiz 35:​1, 2; Ẹvw 11:18.

4. 4. Ihwoeje che vwo omakpokpọ.​—Aiz 33:24; 35:​5, 6.

5. 5. Wọ sa dia bẹdẹ vwẹ otọrakpọ na.​—Un 37:29; Mt 5:5.

ORUA

1. 6. E jẹ ọshare vwo “ẹguọnọ rẹ aye rọyen kirobo ro vwo ẹguọnọ rẹ oma rọyen.”​—Ẹf 5:33; Kọl 3:19.

2. 7. E jẹ aye muọghọ okokodo kẹ ọshare rọyen.​—Ẹf 5:33; Kọl 3:18.

3. 8. E jẹ ọshare vẹ aye re rọvwọnre fuevun kẹ ohwohwo.​—Mal 2:16; Mt 19:​4-6, 9; Hib 13:4.

4. 9. Emọ ri muọghọ kẹ esẹ vẹ ini rayen che yeren omamọ akpọ.​—Isẹ 1:​8, 9; Ẹf 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

ỌGHẸNẸ

1. 10. Ọghẹnẹ vwo oderhi. ​—Un 83:18; Jer 10:10.

2. 11. Ọghẹnẹ nene avwanre ta ota.​—2Ti 3:​16, 17; 2Pi 1:​20, 21.

3. 12. Ọghẹnẹ ghwomaphiyọ ẹbẹre ọvo jẹ ọvo vwo-o.​—Urh 10:17; Iru 10:​34, 35.

4. 13. Ọghẹnẹ guọnọ chọn avwanre uko.​—Un 46:1; 145:​18, 19.

ẸRHOVWO

1. 14. Ọghẹnẹ guọnọre nẹ avwanre nẹrhovwo rhe.​—Un 62:8; 65:2; 1Pi 5:7.

2. 15. Baibol na yono avwanre obo ra nẹrhovwo wan.​—Mt 6:​7-13; Lu 11:​1-4.

3. 16. E jẹ a nẹrhovwo ọkieje.​—Mt 7:​7, 8; 1Tẹ 5:17.

JESU

1. 17. Jesu ọyen oyono rode, uchebro rọyen je wian kẹ avwanre nonẹna.​—Mt 6:​14, 15, 34; 7:12.

2. 18. Jesu mraro kpahen erọnvwọn buebun avwanre mrẹ nonẹna.​—Mt 24:​3, 7, 8, 14; Lu 21:​10, 11.

3. 19. Jesu ọyen ọmọ rẹ Ọghẹnẹ.​—Mt 16:16; Jọ 3:16; 1Jọ 4:15.

4. 20. Jesu dia Ọghẹnẹ ro me kpenu-u.​—Jọ 14:28; 1Kọ 11:3.

Based on NASA/Visible Earth imagery

UVIE RẸ ỌGHẸNẸ

1. 21. Uvie rẹ Ọghẹnẹ ọyen obọdẹn rẹ usuon rọhẹ odjuvwu.​—Da 2:44; 7:​13, 14; Mt 6:​9, 10; Ẹvw 11:15.

2. 22. Uvie rẹ Ọghẹnẹ cha reyọ ẹdia rẹ usuon rẹ ihworakpọ.​—Un 2:​7-9; Da 2:44.

3. 23. Uvie rẹ Ọghẹnẹ ọvo ọyen se si ebẹnbẹn rẹ ihworakpọ no.​—Un 37:​10, 11; 46:9; Aiz 65:​21-23.

OJAẸRIỌ

1. 24. Ọ dia Ọghẹnẹ yen so ojaẹriọ rẹ avwanre-e.​—Urh 32:4; Jem 1:13.

2. 25. Eshu yen suẹn akpọ na. ​—Luk 4:​5, 6; 1 Jọn 5:19.

3. 26. Ọghẹnẹ mrẹ ojaẹriọ wẹn, ọ guọnọ chọn wẹ uko.​—Un 34:​17-19; Aiz 41:​10, 13.

4. 27. Ọghẹnẹ che si ojaẹriọ no kẹrẹkpẹ.​—Aiz 65:17; Ẹvw 21:​3, 4.

UGHWU

1. 28. Ihwo ri ghwuru riẹn emuọvo-o; ayen rioja-a.​—Agh 9:5; Jọn 11:​11-14.

2. 29. Ihwo ri ghwuru cha sa chọn avwanre uko yẹrẹ kon avwanre oma-a.​—Un 146:4; Agh 9:​6, 10.

3. 30. A cha rhọvwọn ihwo rẹ avwanre vwo ẹguọnọ kpahen ri ghwuru.​—Job 14:​13-15; Jọ 5:​28, 29; Iru 24:15.

4. 31. “Ughwu rha cha dia ọfa-a.”​—Ẹvw 21:​3, 4; Aiz 25:8.

ẸGA

1. 32. Ọ dia ẹga na eje yen je Ọghẹnẹ-ẹ.​—Jer 7:11; Mt 7:​13, 14, 21-23.

2. 33. Ọghẹnẹ vwo utuoma kpahen omeru.​—Aiz 29:13; Mai 3:11; Mk 7:​6-8.

3. 34. Obọdẹn rẹ ẹguọnọ yen e vwo vughe ẹga rẹ uyota.​—Mai 4:3; Jọ 13:​34, 35.