• Йўэл 2:28–32
    Муқаддас Китоб — Янги дунё таржимаси

    • 28 Шундан кейин Мен ҳар қандай инсон устига Ўз руҳимни ёғдираман+.

      Ўғилу қизларингиз башорат қилади,

      Мўйсафидларингиз тушлар кўради,

      Йигитларингизга ваҳийлар келади+.

      29 Ҳатто қулу чўриларимга

      Ўша кунларда Ўз руҳимни ёғдираман.

      30 Мен еру осмонда ғаройиботлар* яратиб,

      Қон, олов ва паға-паға тутун ҳосил қиламан+.

      31 Яҳованинг улуғ ва мудҳиш куни келишидан олдин+,

      Қуёш қорайиб, ой қонга булангандай қизариб қолади+.

      32 Яҳованинг исмини айтиб чақирган ҳар бир инсон қутқарилади+.

      Яҳова айтгандай, Сион тоғи билан Қуддусда омон қолганлар бўлади+.

      Улар Яҳова даъват этиб нажот топганлар ичида бўлади».