Забур

83 Эй Тангрим, сукут сақлама!+

Эй, муқаддас Худо, садо чиқармай жим турма!

 2 Мана, душманларинг шовқин-сурон қилмоқда+,

Сендан нафратланадиганлар Сенга қарши бош кўтармоқда.

 3 Улар халқингга қарши фитна уюштирмоқда,

Ҳимоянг остидаги халқингга қарши тил бириктирмоқда.

 4 Улар: «Келинглар, Исроил халқини қириб ташлайлик+,

Токи Исроил номи бошқа эсга олинмасин»,— демоқда.

 5 Улар ўзаро тил бириктириб,

Сенга қарши иттифоқ тузди+.

 6 Эдомликлар, исмоилийлар*, мўабликлар+ ва ҳожарийлар+,

 7 Габол, Оммон+ ва Омолек,

Фаластин+ ҳамда Тир+ аҳолиси,

 8 Ҳатто Оссурия+ ҳам уларга қўшилиб,

Лут ўғилларини қўллаб-қувватлади+. (Села)

 9 Уларнинг бошига Мидиённинг кунини сол+,

Хишон сойида* Сисаро билан Ёбинни жазолагандай жазола+.

10 Улар Эн-Дўрда+ ҳалок бўлиб,

Ер учун гўнгга айланган эди.

11 Асилзодалари бошига Орив билан Заёвнинг+,

Йўлбошчилари бошига Зевах билан Залмунонинг кунини сол+.

12 Чунки улар: «Худо макон қурган юртни эгаллаб олайлик»,— демоқда.

13 Эй Тангрим, уларни қуюн учириб кетадиган янтоқдай+,

Шамолдаги сомондай учириб юбор.

14 Ўрмонни ёндириб юборадиган ўтдай,

Тоғларни куйдириб юборадиган алангадай+,

15 Довулинг билан уларни таъқиб қил+,

Бўронинг билан ваҳимага сол+.

16 Эй Яҳова, уларнинг юзини шувут қил!

Токи улар Сенинг исмингни тан олсин.

17 Улар шарманда бўлиб, доим қўрқувда яшасин,

Иснодга қолиб, ҳалок бўлсин.

18 Халқлар исминг Яҳова эканини+,

Замин узра ёлғиз Сен Аллоҳ Таоло эканингни билиб олсин+.