Ҳикматлар

23 Шоҳ билан дастурхон атрофида ўтирганингда,

Олдингдаги ҳамма нарсага диққатли бўл.

 2 Иштаҳанг карнай бўлса,

Бўғзингга пичоқ тира*.

 3 Унинг ноз-неъматини кўнглинг тусамасин,

Чунки улар алдамчи таомлардир.

 5 Бойликка назар солган заҳотинг, у ғойиб бўлади+,

Бургутдай қанот ёзиб, осмонга учиб кетади+.

 6 Қизғанчиқ одамнинг таомини ема,

Унинг ноз-неъматини кўнглинг тусамасин.

 7 Зеро, у учун бари ҳисоблидир.

 8 Шунда еган луқмангни қайт қиласан,

Мақтовли сўзларинг ҳам бекор кетади.

 9 Нодонга гапириб ўтирма+,

Чунки у ҳикматли сўзларингни писанд қилмайди+.

10 Қадимда ўрнатилган чегарани силжитма+,

Етим-есирларнинг даласига кирма.

11 Зеро, уларнинг Ҳимоячиси қудратлидир,

Сенга қарши қилган шикоятларига У чора кўради+.

12 Қалбингни таълим-тарбияга,

Қулоғингни билимга оч.

14 Болани таёқ билан жазоласанг,

Уни ўлимдан* сақлаб қоласан.

15 Ўғлим, қалбингда донолик бўлса,

Менинг ҳам кўнглим қувончга тўлади+.

16 Тилингдан тўғри сўзлар чиққанда,

Бутун вужудим* шодланади.

17 Қалбингда гуноҳкорларга ҳасад қилма+,

Ҳар куни Яҳовадан қўрқиб яша+.

18 Шунда келажагинг порлоқ бўлади+,

Умидинг ҳам пучга чиқмайди.

19 Ўғлим, қулоқ солиб доно бўл,

Қалбингни тўғри йўлга йўналтир.

20 Шаробга ружу қўйганларга+,

Гўштни бўкиб ейдиганларга қўшилма+.

21 Ичкиликбоз ва очофат қашшоқликка учрайди+,

Уйқучилик жулдур кийим кийдиради.

22 Сени дунёга келтирган отангга қулоқ сол,

Қариб қолди деб онангни хор қилма+.

23 Ҳақиқатни харид қил, уни сотиб юборма+,

Донолик, таълим-тарбия ва заковатни ҳам сотиб ол+.

24 Одил кишининг отаси шод бўлади,

Доно ўғилнинг отаси ҳам қувонади.

25 Ота-онанг хурсанд бўлади,

Сени дунёга келтирган онанг севинади.

26 Ўғлим, бутун қалбинг билан мени эшит,

Кўзларинг йўлларимдан завқлансин+.

27 Чунки фоҳиша чуқур чоҳ каби,

Ахлоқсиз аёл тор қудуқдайдир+.

28 У худди ўғридай пойлаб ётади+,

Бевафо эркаклар сонини кўпайтиради.

30 Шароб ичиб узоқ ўтирадиганлар+,

Ўткир шароб излайдиганлардир.

31 Шаробнинг қизил рангига,

Қадаҳда товланиб туришию ёқимли ичилишига қарама.

32 Охири у илондек чақади,

Қора илон каби заҳрини сочади.

33 Кўзларинг ғалати нарсаларни кўради,

Дилингдан ёмон сўзлар чиқади+.

34 Ўзингни денгизнинг қоқ ўртасида,

Кема устунида ётгандай ҳис қиласан.