Ҳикматлар

2 Ўғлим, агар сўзларимни қабул қилиб,

Амрларимга+ астойдил риоя этсанг,

 2 Доноликка қулоқ тутиб+,

Қалбингни ақл-идрокка очсанг+,

 3 Агар заковат тилаб+ нола қилсанг,

Ақл-идрок сўраб+ ҳайқирсанг,

 4 Уни кумуш излагандай излаб+,

Яширин хазинадай қидирсанг+,

 5 Яҳовадан қўрқиш+ нималигини тушуниб,

Худо ҳақида билимга+ эга бўласан.

 6 Зеро, доноликни Яҳова беради+,

Билим ва идрок Унинг оғзидан чиқади.

 7 У доноликни* тўғри одам учун сақлайди,

Бенуқсонлик йўлида юрганларга қалқон бўлади+.

 8 У адолат сўқмоқларини қўриқлайди,

Садоқатли кишиларнинг йўлини ҳимоялайди+.

 9 Шунда тўғрилик, адолат ва ҳаққоният нималигини тушунасан.

Яхшилик йўлларини+ англаб етасан.

10 Қалбинг доноликка тўлиб+,

Жонинг билимдан роҳат топганда+,

11 Тафаккур сени қўриқлаб+,

Ақл-идрок сени ҳимоя қилади.

12 У сени ёмон йўлдан,

Ёлғон гапирадиган одамдан+,

13 Тўғри йўлни ташлаб,

Қоронғи йўлни танлаганлардан+ асрайди.

14 Қабиҳ ишлардан шод бўлиб,

Бузуқиликдан қувонч топадиганлардан,

15 Сўқмоқлари эгри,

Юрган йўли ёлғон бўлганлардан ҳимоялайди.

16 У сени бузуқ аёлдан,

Ахлоқсиз аёлнинг тилёғлама сўзларидан асрайди+.

17 Бу аёл ёшлик чоғидаги умр йўлдошини+ ташлаб,

Тангрисининг аҳдини унутган.

18 Унинг уйи ўлим қаърига,

Сўқмоқлари ўликлар ёнига етаклайди+.

19 Унинг ётоғига кирган тирик чиқмайди,

Ҳаёт сўқмоғидан қайта юрмайди+.

20 Бинобарин, яхшилар йўлидан юр,

Одиллар сўқмоқларидан оғиб кетма+.

21 Зеро, тўғрилар ер юзида яшайди,

Бенуқсонлар унда маскан қуради+.

22 Ёвузлар эса ер юзидан қириб ташланади+,

Хоинлар ундан йўқ қилинади+.