Тўғри қироат

1 Тимўтийга 4:13

МАҚСАД. Фақат келтирилган маълумотни ўқинг.

АМАЛГА ОШИРИШ ЙЎЛЛАРИ

• Пухта тайёрланинг. Ўқимоқчи бўлган маълумотингиз нима учун ёзилгани борасида фикр юритинг. Алоҳида сўзларни эмас, балки сўз бирикмаларини ўқишни машқ қилинг. Сўз қўшмаётганингизга, қолдириб кетмаётганингизга ёки ўрнини алмаштирмаётганингизга диққатли бўлинг. Барча тиниш белгиларига амал қилинг.

• Ҳар бир сўзни тўғри талаффуз қилинг. Сўзни қандай талаффуз қилишни билмасангиз, луғатга қаранг, адабиётнинг аудио ёзувини тингланг ёки яхши қироат қиладиган кишидан ёрдам сўранг.

• Аниқ гапиринг. Бошингизни баланд кўтариб, оғзингизни етарлича очиб сўзларни тўғри талаффуз қилинг. Бўғинларни ютиб юбормасликка ҳаракат қилинг.