Zabur

2 Nega millatlar g‘alayon ko‘tardi?

Nima uchun xalqlar puch rejalar tuzmoqda*?+

 2 Yer yuzi shohlari bosh ko‘tardi.

Amaldorlar birlashib+,

Yahovaga hamda Uning moylanganiga*+ qarshi chiqdi.

 3 Ular: «Keling, bizga solmoqchi bo‘lgan kishanlarini uzib,

Arqonlarini yechib tashlaylik!» — deydi.

 4 Ammo samoviy taxtda o‘tirgan Zot ularning ustidan kuladi.

Yahova ularni masxara qiladi.

 5 U g‘azab ichra ularga gapirib,

Otashin qahri bilan ularni sarosimaga soladi-da:

 6 «Muqaddas tog‘im bo‘lmish Sionda+,

Men podshohimni tayinladim»+,— deydi.

 7 Men Yahovaning farmonini e’lon qilaman.

U menga shunday dedi: «Sen Mening o‘g‘limsan+,

Bugun Men sening Otang bo‘ldim+.

 8 Mendan so‘ra va senga xalqlarni meros qilib,

Butun yer yuzini mulk qilib beraman+.

 9 Ularni temir saltanat hassasi+ bilan yakson qilasan,

Sopol idishday chilparchin qilasan»+.

10 Shunday ekan, ey shohlar, aql bilan ish tuting.

Ey, yer yuzi hukmdorlari, saboq oling.

11 Yahovadan qo‘rqib, Unga xizmat qiling,

Unga izzat-ikrom ko‘rsatib, xursand bo‘ling.

12 O‘g‘ilni e’zozlang*+, aks holda, Allohning g‘azabi keladi,

Shunda yo‘lingizda halok bo‘lasiz+.

Axir Xudoning qahri tez alanga oladi.