Zabur

34 Har doim Yahovani maqtayman,

Tinmay Unga hamd-u sano aytaman.

 2 Men Yahova bilan maqtanaman+,

Kamtar* kishi buni eshitib quvonadi.

 3 Menga qo‘shilib Yahovani ulug‘lang+,

Keling, birgalikda Uning ismini ko‘klarga ko‘taraylik.

 5 Unga ko‘z tikkanlarning chehrasidan nur yog‘ilib turadi,

Yuzlari shuvut bo‘lmaydi.

 7 Yahovaning farishtasi Undan qo‘rqadiganlar atrofida qarorgoh qurib+,

Ularni qutqaradi+.

 8 Totib ko‘r, shunda Yahova yaxshi ekanini bilib olasan+,

Unda panoh topgan inson baxtlidir.

 9 Ey, Yahovaning muqaddas kishilari, Undan qo‘rqing!

Chunki Undan qo‘rqqanlar muhtojlik ko‘rmaydi+.

10 Hatto baquvvat yosh sherlar ham och qoladi,

Ammo Yahovani izlaydiganlar yaxshilikdan quruq qolmaydi+.

11 Keling, o‘g‘illarim, menga quloq soling,

Sizlarga Yahovadan qo‘rqishni+ o‘rgataman.

12 Orangizdan kim hayotdan mamnun bo‘lib yashashni,

Yaxshi kunlarni ko‘rishni istaydi?+

13 Bunday kishi tilini yomonlikdan+,

Og‘zini yolg‘on gapirishdan tiysin+.

14 Yomonlikdan qaytib, yaxshilik qilsin+,

Tinchlikni qidirib, uning payida bo‘lsin+.

15 Yahovaning ko‘zlari odil kishilarni ko‘radi+,

Quloqlari esa yordam so‘rab iltijo qilganlarni eshitadi+.

16 Biroq yomonlik qiluvchilardan Yahova yuz o‘giradi,

Ular haqidagi xotirani yer yuzidan o‘chirib tashlaydi+.

17 Odil kishilar faryod qiladi va Yahova ularni eshitadi+,

U barcha qayg‘u-alamlaridan ularni xalos etadi+.

18 Yahova qalbi o‘ksiganlarga yaqindir+,

Ruhan ezilganlarni U qutqaradi+.

19 Odil kishi ko‘p qiyinchiliklarga duch keladi+,

Ammo Yahova ularning baridan uni xalos qiladi+.

20 Uning barcha suyaklarini saqlaydi,

Ulardan hech biri sindirilmaydi+.

21 Yovuz falokatdan halok bo‘ladi,

Odil kishidan nafratlanganlar gunohkor deb topiladi.

22 Yahova O‘z xizmatchilarining hayotini* saqlab qoladi,

Unda panoh topganlarning hech biri aybdor deb topilmaydi+.