Hikmatlar
26 Yozda yoqqan qorday, yig‘im-terim mavsumidagi yomg‘irday,
Nodon kishiga ulug‘vorlik yarashmaydi+.
2 Qush behudaga pir etmaganday, qaldirg‘och bekorga uchmaganday,
Odam ham sababsiz la’natga yo‘liqmaydi*.
4 Nodonning nodonligiga qarab javob berma,
Yo‘qsa, undan hech qanday farqing qolmaydi.
5 Ahmoqning ahmoqligiga qarab javob ber,
Bo‘lmasa, u o‘zini dono deb hisoblaydi+.
6 Ishini nodonga topshirgan odam
Oyog‘ini mayib qilib, o‘ziga ziyon keltirganga teng.
7 Ahmoqning og‘zidan chiqqan hikmatli so‘z,
Cho‘loqning oqsoq oyog‘idaydir+.
8 Nodonga hurmat ko‘rsatish,
Palaxmonga tosh bog‘lab qo‘yish kabidir+.
9 Ahmoqning og‘zidan chiqqan hikmatli so‘z,
Mastning qo‘lidagi tikanli o‘t singaridir.
10 Nodonni yoki uchragan kishini yollagan
Duch kelgan odamni jarohatlagan kamonchidaydir.
11 It o‘z qusug‘iga qaytganiday,
Nodon ham o‘z ahmoqligini qilaveradi+.
12 O‘zini dono hisoblaydigan kishini ko‘rganmisan?+
Undan ko‘ra ahmoqning o‘zgarishiga umid ko‘proq.
13 Yalqov: «Yo‘lda sher turibdi!
U ko‘chada izg‘ib yuribdi!»+ — deydi.
14 Eshik o‘z o‘qida aylanadi,
Yalqov esa to‘shagida ag‘anab yotadi+.
15 Tanbal kosaga qo‘lini cho‘zadi-yu,
Ammo og‘ziga olib kelishga erinadi+.
16 Dangasa o‘zini dono deb biladi,
To‘g‘ri javob bergan yetti kishidan ham aqlliroq hisoblaydi.
17 O‘zganing janjaliga kuyib-pishgan* yo‘lovchi,
Itning qulog‘ini mahkam ushlab turgan odamga o‘xshaydi+.
18 Otashli o‘qlar-u nayzalar otib, o‘lim sochgan telba qanday bo‘lsa,
19 Yaqinini kalaka qilib, keyin: «Bu shunchaki hazil edi!»+ — degan kishi ham shundaydir.
20 O‘tin bo‘lmasa olov o‘chadi,
Tuhmatchi bo‘lmasa janjal to‘xtaydi+.
21 Ko‘mir cho‘g‘ga, o‘tin olovga aylanadi,
Urishqoq odam esa janjalni avj oldiradi+.
22 Tuhmatchining so‘zlari mazali ovqatdaydir,
Ular yutilib to‘g‘ri qoringa tushadi+.
23 Yovuz qalbdan chiqqan muloyim so‘zlar,
Sopol sinig‘i ustidan qoplangan kumush kabidir+.
24 O‘zgadan nafratlangan tili bilan buni yashiradi,
Biroq ko‘ngliga hiyla-nayrang tugib qo‘yadi.
25 U muloyim gapirsa-da, unga ishonma,
Chunki qalbida yettita jirkanch narsa bor*.
26 Nafratini yolg‘on bilan yashirsa-da,
Yovuzligi jamoatda oshkor bo‘ladi.
27 Choh qazigan unga o‘zi tushadi,
Tosh yumalatgan uning ostida qoladi+.
28 Yolg‘onchi til o‘z qurbonidan nafratlanadi,
Tilyog‘lamalik o‘zgaga halokat keltiradi+.