Hikmatlar

2 O‘g‘lim, agar so‘zlarimni qabul qilib,

Amrlarimga+ astoydil rioya etsang,

 2 Donolikka quloq tutib+,

Qalbingni aql-idrokka ochsang+,

 3 Agar zakovat tilab+ nola qilsang,

Aql-idrok so‘rab+ hayqirsang,

 4 Uni kumush izlaganday izlab+,

Yashirin xazinaday qidirsang+,

 5 Yahovadan qo‘rqish+ nimaligini tushunib,

Xudo haqida bilimga+ ega bo‘lasan.

 6 Zero, donolikni Yahova beradi+,

Bilim va idrok Uning og‘zidan chiqadi.

 7 U donolikni* to‘g‘ri odam uchun saqlaydi,

Benuqsonlik yo‘lida yurganlarga qalqon bo‘ladi+.

 8 U adolat so‘qmoqlarini qo‘riqlaydi,

Sadoqatli kishilarning yo‘lini himoyalaydi+.

 9 Shunda to‘g‘rilik, adolat va haqqoniyat nimaligini tushunasan.

Yaxshilik yo‘llarini+ anglab yetasan.

10 Qalbing donolikka to‘lib+,

Joning bilimdan rohat topganda+,

11 Tafakkur seni qo‘riqlab+,

Aql-idrok seni himoya qiladi.

12 U seni yomon yo‘ldan,

Yolg‘on gapiradigan odamdan+,

13 To‘g‘ri yo‘lni tashlab,

Qorong‘i yo‘lni tanlaganlardan+ asraydi.

14 Qabih ishlardan shod bo‘lib,

Buzuqilikdan quvonch topadiganlardan,

15 So‘qmoqlari egri,

Yurgan yo‘li yolg‘on bo‘lganlardan himoyalaydi.

16 U seni buzuq ayoldan,

Axloqsiz ayolning tilyog‘lama so‘zlaridan asraydi+.

17 Bu ayol yoshlik chog‘idagi umr yo‘ldoshini+ tashlab,

Tangrisining ahdini unutgan.

18 Uning uyi o‘lim qa’riga,

So‘qmoqlari o‘liklar yoniga yetaklaydi+.

19 Uning yotog‘iga kirgan tirik chiqmaydi,

Hayot so‘qmog‘idan qayta yurmaydi+.

20 Binobarin, yaxshilar yo‘lidan yur,

Odillar so‘qmoqlaridan og‘ib ketma+.

21 Zero, to‘g‘rilar yer yuzida yashaydi,

Benuqsonlar unda maskan quradi+.

22 Yovuzlar esa yer yuzidan qirib tashlanadi+,

Xoinlar undan yo‘q qilinadi+.