Qonunlar

31 Bundan so‘ng Muso butun Isroil xalqiga murojaat qilib, 2 ularga dedi: «Mana, yoshim ham 120 ga to‘ldi+. Yahova menga: “Iordanning narigi tomoniga o‘tmaysan”+,— deb aytgani uchun, bundan buyon men sizlarni boshqarib bora olmayman. 3 Xudoyingiz Yahova oldingizda daryoni kechib o‘tib, Uning O‘zi bu xalqlarni oldingizda yo‘q qiladi va sizlar ularni quvib chiqarasizlar+. Yahova aytganiday Yoshua boshchiligida daryoni kechib o‘tasizlar+. 4 Yahova amoriylarning shohlari Sixo‘n+ bilan O‘gni+ yo‘q qilib, ularning yurti bilan qanday yo‘l tutgan bo‘lsa, bu xalqlarni ham shunday ko‘yga soladi+. 5 Yahova sizlar uchun ularni mag‘lub qiladi. Ular bilan, men sizlarga bergan amrlarga binoan yo‘l tutinglar+. 6 Jasoratli va mahkam bo‘linglar+. Ulardan qo‘rqib dahshatga tushmanglar+, chunki Tangringiz Yahova sizlar bilan boradi. U sizlarni hecham tashlab ketmaydi, aslo tark etmaydi»+.

7 Keyin Muso Yoshuani chaqirib, butun Isroil xalqining ko‘z oldida unga shunday dedi: «Jasoratli va mahkam bo‘l+, chunki bu xalqni Yahova ota-bobolariga beraman deb qasam ichgan yurtga sen olib kirib, yurtni ularga meros qilib berasan+. 8 Yahova sening oldingda boradi va doim sen bilan birga bo‘ladi+. U seni hecham tashlab ketmaydi, aslo tark etmaydi. Qo‘rqma va dahshatga tushma»+.

9 So‘ngra Muso bu Qonunni yozib+, Yahovaning ahd sandig‘ini ko‘tarib yuradigan levi ruhoniylarga va Isroilning barcha oqsoqollariga berdi. 10 Muso ularga quyidagilarni buyurdi: «Har yettinchi yilning oxirida, ya’ni Shabbat yilining* belgilangan vaqtida+, Chaylalar bayrami* paytida+, 11 butun Isroil xalqi Allohingiz Yahovaning huzuriga+, U tanlagan joyga kelganda, bu Qonunni butun Isroil xalqiga eshittirib o‘qib berasizlar+. 12 Butun xalqni — erkag-u ayollarni, bolalarni va shaharlaringizda yashayotgan musofirlarni yig‘inglar+. Ular bu Qonunning so‘zlarini tinglab, ularning hammasiga amal qilishni va Xudoyingiz Yahovadan qo‘rqishni o‘rgansinlar. 13 Bu Qonunni bilmagan o‘g‘illari ham tinglab+, Allohingiz Yahovadan qo‘rqishni o‘rganadilar. Iordanning narigi tomoniga o‘tib, egalik qiladigan yurtda yashaganingizda, ular bunday qilishni o‘rganadilar»+.

14 Yahova Musoga: «Mana, hayotdan ko‘z yumishingga kam vaqt qoldi+. Yoshuani chaqirgin-da, ikkovingiz uchrashuv chodiriga kelib turinglar va Men uni yo‘lboshchi etib tayinlayman»+,— deb aytdi. Muso bilan Yoshua uchrashuv chodiriga borib, o‘sha yerda turishdi. 15 Yahova chodirning ustida bulut ustuni ichida zohir bo‘ldi va bulut ustuni chodirning kiraverishida turdi+.

16 Yahova Musoga shularni aytdi: «Mana, vafot etadigan vaqting kelib qoldi. Bu xalq esa, o‘zlari borayotgan yurtdagi begona xudolarga sig‘inib ketadi*+. Ular Mendan voz kechib+, ular bilan qilgan ahdimni buzishadi+. 17 Shunda ularga qarshi g‘azabim qaynab+, ularni tark etaman+ va ular halok bo‘lmaguncha ulardan yuzimni o‘giraman+. Ko‘p ofatlar va boshlariga tushgan baxtsizliklardan so‘ng+, ular: “Bu ofatlar Allohimiz oramizda bo‘lmagani uchun boshimizga tushmayotganmikin?”+ — deyishadi. 18 Ammo ular boshqa xudolarga murojaat etib, qilgan barcha buzuqliklari uchun Men ulardan yuzimni o‘giraman+.

19 Shu sababli, mana bu qo‘shiqni yozib olib+, Isroil xalqiga o‘rgatinglar+. Ular uni yodlashsin, chunki bu qo‘shiq, Xudoga bo‘ysunmaganlar bilan nima sodir bo‘lishini Isroil xalqiga eslatib turadi+. 20 Men ularni ota-bobolariga beraman deb qasam ichgan, sut bilan asal oqib yotgan yurtga olib kirganimda+, ular to‘yguncha yeb huzur-halovatda yashay boshlagach*+, boshqa xudolarga ergashib ketib, ularga xizmat qilishadi. Bu bilan ular Menga hurmatsizlik ko‘rsatib, ahdimni buzishadi+. 21 Ko‘pgina ofatlar-u baxtsizliklar ularning boshiga tushgach+, ushbu qo‘shiq Xudoga bo‘ysunmaganlar bilan nima sodir bo‘lishini eslatadi, chunki bu qo‘shiqni ularning avlodlari ham esdan chiqarishmaydi+. Men, ular qanday moyillikni rivojlantirishganini hozirdan, ularni qasam ichib va’da qilgan yurtga hali olib kirmasimdan oldin bilaman».

22 Muso o‘sha kuni bu qo‘shiqning so‘zlarini yozib olib, Isroil xalqiga o‘rgatdi.

23 Xudo, Nun o‘g‘li Yoshuani yo‘lboshchi etib tayinlab+: «Jasoratli va mahkam bo‘l+, chunki Isroil xalqini Men ularga beraman deb qasam ichgan yurtga sen olib kirasan+. Men sen bilan birga bo‘laman»,— dedi.

24 Muso bu Qonunning so‘zlarini kitobga to‘liq yozib bo‘lishi bilanoq+, 25 Yahovaning ahd sandig‘ini ko‘tarib yuradigan levilarga quyidagilarni buyurdi: 26 «Ushbu Qonun kitobini+ olib, Tangringiz Yahovaning ahd sandig‘i yoniga qo‘yinglar+. U o‘sha yerda sizlarga qarshi Xudoning guvohi bo‘lib xizmat qiladi. 27 Chunki men sizlarning qo‘zg‘olonchi+ va o‘jar* ekaningizni+ yaxshi bilaman. Hali tirikligimda Yahovaga qarshi chiqqan ekansiz, o‘limimdan keyin bundan ham battarrog‘ini qiladiganga o‘xshaysizlar! 28 Qabila oqsoqollari va boshliqlaringizning hammasini chaqiringlar. Ularning oldida men bu so‘zlarning barini aytib, osmondagi va yerdagilarni ularga qarshi guvohlikka chaqiraman+. 29 Chunki o‘limimdan keyin, men sizlarga buyurgan yo‘ldan og‘ib, razillik qilishingizni aniq bilaman+. O‘shanda albatta ofatga duchor bo‘lasizlar+, chunki Yahovaning nazarida yomonliklar qilib, qo‘llaringizning ishi bilan Uni ranjitasizlar».

30 Muso bu qo‘shiqning so‘zlarini butun Isroil jamoati eshitsin deya, boshidan oxirigacha bayon etdi+: