6-DARS

Oyatni nega qo‘llayotganingiz aniq ko‘rinsin

Yuhanno 10:33–36

MAQSAD. Oyatni shunchaki o‘qib, keyingi fikrga o‘tib ketmang. Tinglovchilar o‘qilgan oyat aytilayotgan fikr bilan qanday bog‘liq ekanini aniq ko‘rishsin.

AMALGA OSHIRISH YO‘LLARI

Kalit so‘zlarni ajrating. Oyatni o‘qigach, asosiy fikr bilan to‘g‘ridan-to‘g‘ri bog‘liq bo‘lgan so‘zlarni ta’kidlang. Masalan, o‘sha so‘zlarni takrorlashingiz yoki tinglovchilar kalit so‘zlarni aniqlashi uchun savol berishingiz mumkin.

Oyatdagi fikrni boshqa so‘zlar bilan ifoda etmoqchi bo‘lsangiz, tinglovchilar Muqaddas Kitobdagi so‘zlar asosiy fikr bilan bog‘liq ekanini tushunayotganiga ishonch hosil qiling.
Asosiy fikrni takrorlang. Muayyan mavzuni ochib berish uchun oyat o‘qish kerakligini aytgach, u yerdagi kalit so‘zlar qay yo‘sin bu mavzu bilan bog‘liq ekanini tushuntiring.

Oyatni ko‘rib chiqar ekansiz, Muqaddas Kitobingiz ochiq tursin. Bu tufayli tinglovchilar aytayotganlaringiz oyat bilan qanday bog‘liq ekanini ko‘ra olishadi.
Sodda qilib tushuntiring. Asosiy fikr bilan bog‘liq bo‘lmagan keraksiz tafsilotlarni aytmang. Tinglovchilar aytilayotgan mavzu haqida nimalarni bilishini inobatga olib, uni aniq va tushunarli tarzda yoritish uchun qancha dalillar keltirishni oldindan hal qiling.