11-DARS

Jo‘shqinlik

Havoriylar 18:24, 25

MAQSAD. G‘ayrat bilan gapirib tinglovchilarga dalda bering va harakatga undang.

Ma’lumotni his qiling. Tayyorgarlik ko‘rayotganingizda, ma’lumot nima uchun muhim ekani borasida chuqur fikr yuriting. Ma’lumotni chin qalbdan yetkaza olishingiz uchun uni yaxshilab o‘rganib chiqing.
Tinglovchilar haqida o‘ylang. Siz yetkazmoqchi bo‘lgan xabar boshqalarga qanday foyda keltirishi to‘g‘risida mulohaza yuriting. Ma’lumotni tinglovchilarga tushunarliroq yetkazishning yo‘llarini izlang.
Jonli tarzda gapiring. G‘ayrat bilan gapiring. Imo-ishoralaringiz tabiiy bo‘lsin va chehrangizdan samimiy tuyg‘ularingiz sezilib tursin.

Tinglovchilarni chalg‘itmaslik uchun o‘sha-o‘sha imo-ishoralarni qaytaravermang. Imo-ishoralaringiz ma’noli bo‘lsin. Ayniqsa, asosiy fikrlarni yetkazganda va tinglovchilarni harakatga undaganda jo‘shqinligingiz namoyon bo‘lsin. Namoyish davomida haddan ortiq jo‘shqinlikka to‘lib, tinglovchilarni charchatib qo‘ymang.