Yobo
30 “Zwino vha a ntsea,+
Vhanna vhaṱuku kha nṋe,
Vhe vhokhotsi avho nda vha ndi tshi hana
Vha tshi dzula na mmbwa dze dza vha dzi tshi linda sambi ḽanga.
2 Maanḓa a zwanḓa zwavho a nthusa nga mini?
A vha tshee na nungo.
3 Dzo fhela nga vhushai na nḓala;
Vha shenga zwo omaho
Zwe zwa vha zwo no ḓi tshinyala zwo laṱiwa.
4 Vha ka maṱari a dungaho kha zwiṱaka;
Zwiḽiwa zwavho ndi midzi ya zwiṱaka.
5 Vha pandelwa tshitshavhani;+
Vha vha ṱavhela mukosi vhunga vha tshi ṱavhela mbava mukosi.
6 Vha dzula magovhani a miedzi,
Milindini ya mavuni na matomboni.
7 Vha vhidzelela vhe ḓakani
Vha guludana zwiṱakani zwa mipfa.
8 Ndi vhana vha matsilu na vha si na madzina,
Vho pandelwa* shangoni.
11 Ngauri Mudzimu o nṱangula na u nṱukufhadza,
Musi ndi henefho a vha ḓifari.
12 Vha mvutshela kha tshanḓa tshanga tsha u ḽa sa tshigwada tsha mavemu;
Vha ita uri ndi shavhe
Vha vhea zwikhukhulisi zwi tshinyadzaho nḓilani yanga.
14 Vha ḓa vha tshi nga vha khou bva nga tshivhanani tsho aṱamaho tsha luvhondo;
Vha vhumbulutshela khomboni.
15 Ndo tsikeledzwa nga zwi ofhisaho;
Tshirunzi tshanga tsho fhufha na muya,
U tshidzwa hanga ho balangana sa gole.
18 Maanḓa mahulu azwo o ṱahadza tshiambaro tshanga;
Vhunga mutsinga wa tshiambaro u tshi ntzhipa.
19 Mudzimu o mposela thopheni;
Ndi vho tou nga buse na miḽora.
20 Ndi a u lilela ndi tshi ṱoḓa thuso, fhedzi a u mphinduli;+
Ndi a ima, fhedzi u sokou nndavhelesa.
21 Wo ntshandukela wa vha wa tshiṱuhu;+
Nga maanḓa au oṱhe wa mvutshela.
22 Wo nkhwala wa mmbudzulela kule nga muya;
Wa mposela ngeno na ngei nga ḓumbu.
23 Ndi a zwi ḓivha uri u khou nnyisa lufuni,
Nḓuni ine vhoṱhe vha tshilaho vha ḓo ṱangana khayo.
24 Fhedzi a hu na muthu ane a nga rwa muthu o tsikeledzeaho+
Musi a tshi khou ṱoḓa thuso tshifhingani tsha khombo.
25 Naa ndo vha ndi sa lili na vhane vha vha zwifhingani zwi konḓaho?
Naa ndo vha ndi sa pfeli mushai vhuṱungu?+
26 Naho ndo vha ndo lavhelela zwivhuya, fhedzi ha ḓa zwivhi;
Ndo vha ndo lavhelela tshedza, fhedzi ha ḓa swiswi.
27 Nga ngomu hanga hu khou luṅwa-luṅwa hu sa dziki;
Ndo sedzana na maḓuvha a u tambula.
28 Ndi tshimbila swiswini;+ a hu na ḓuvha.
Ndi vhukati ha tshivhidzo, ndi takuwa nda lila ndi tshi ṱoḓa thuso.
29 Ndo no tou vha shaka ḽa phunguwe
Na khonani ya vhana vha mphwe.+
30 Lukanda lwanga lwo swifhala lu khou ḓuvhudza;+
Marambo anga a khou swa nga mufhiso.
31 Haripa yanga i shumiswa fhedzi musi hu na tshililo,
Tshiṱiringo tshanga tshi shumiswa musi hu tshi khou liliwa.