Dziphisalema

136 Livhuwani Yehova, ngauri ndi wavhuḓi;+

Lufuno lwawe lu sa shanduki ndi lwa lini na lini.+

 2 Livhuwani Mudzimu wa midzimu,+

Ngauri lufuno lwawe lu sa shanduki ndi lwa lini na lini.

 3 Livhuwani Murena wa marena,

Ngauri lufuno lwawe lu sa shanduki ndi lwa lini na lini.

 4 Ndi ene e eṱhe ane a ita zwithu zwihulu zwi mangadzaho,+

Ngauri lufuno lwawe lu sa shanduki ndi lwa lini na lini.+

 5 Nga vhutsila o sika ḽiṱaḓulu,+

Ngauri lufuno lwawe lu sa shanduki ndi lwa lini na lini.

 6 O adza ḽifhasi nṱha ha maḓi,+

Ngauri lufuno lwawe lu sa shanduki ndi lwa lini na lini.

 7 O ita zwivhonetsheli zwihulu,+

Ngauri lufuno lwawe lu sa shanduki ndi lwa lini na lini,

 8 O ita uri ḓuvha ḽi vhuse masiari,+

Ngauri lufuno lwawe lu sa shanduki ndi lwa lini na lini,

 9 O ita uri ṅwedzi na ṋaledzi zwi vhuse vhusiku,+

Ngauri lufuno lwawe lu sa shanduki ndi lwa lini na lini.

10 O vhulaya matanzhe a Egipita,+

Ngauri lufuno lwawe lu sa shanduki ndi lwa lini na lini.

11 O bvisa Isiraele vhukati havho,+

Ngauri lufuno lwawe lu sa shanduki ndi lwa lini na lini,

12 Nga tshanḓa tshawe tsha maanḓa,+

Ngauri lufuno lwawe lu sa shanduki ndi lwa lini na lini.

13 O fhandekanya Lwanzhe Lutswuku lwa bva zwipiḓa zwivhili,+

Ngauri lufuno lwawe lu sa shanduki ndi lwa lini na lini.

14 O ita uri Vhaisiraele vha fhire nga vhukati halwo,+

Ngauri lufuno lwawe lu sa shanduki ndi lwa lini na lini.

15 O wisela Farao na mmbi yawe Lwanzheni Lutswuku,+

Ngauri lufuno lwawe lu sa shanduki ndi lwa lini na lini.

16 O ranga phanḓa vhathu vhawe sogani,+

Ngauri lufuno lwawe lu sa shanduki ndi lwa lini na lini.

17 O vhulaya mahosi mahulu,+

Ngauri lufuno lwawe lu sa shanduki ndi lwa lini na lini.

18 O vhulaya mahosi a re na maanḓa,

Ngauri lufuno lwawe lu sa shanduki ndi lwa lini na lini.

19 Sihoni+ khosi ya Vhaamori,

Ngauri lufuno lwawe lu sa shanduki ndi lwa lini na lini.

20 Na Ogo+ khosi ya Bashani,

Ngauri lufuno lwawe lu sa shanduki ndi lwa lini na lini.

21 O dzhia shango ḽavho a ḽi ṋea vhathu vhawe sa ifa,+

Ngauri lufuno lwawe lu sa shanduki ndi lwa lini na lini,

22 Uri ḽi vhe ifa ḽa Isiraele mushumeli wawe,

Ngauri lufuno lwawe lu sa shanduki ndi lwa lini na lini.

23 O ri humbula musi ro ṱungufhala,+

Ngauri lufuno lwawe lu sa shanduki ndi lwa lini na lini.+

24 O dzula a tshi ri tshidza kha maswina ashu,+

Ngauri lufuno lwawe lu sa shanduki ndi lwa lini na lini.

25 O ṋea zwoṱhe zwi tshilaho* zwiḽiwa,+

Ngauri lufuno lwawe lu sa shanduki ndi lwa lini na lini.

26 Livhuwani Mudzimu wa ṱaḓulu,

Ngauri lufuno lwawe lu sa shanduki ndi lwa lini na lini.