Dziphisalema
Kha mulangi. Luimbo lwa Davida.
64 Iwe Mudzimu, ipfa ipfi ḽanga musi ndi tshi u humbela.+
Tsireledza vhutshilo hanga kha swina ḽi ofhisaho.
2 Ntsireledze kha maano a tshiphiri a vhathu vhavhi,+
Na kha gogo ḽa vhaitazwivhi.
3 Vha ṱuṱula ndimi dzavho u fana na banga;
Vha pfula nga maipfi avho a tshiṱuhu u fana na misevhe,
4 Uri vha pfule a si na mulandu vho dzumbama;
Vha mu pfula nga khathihi fhedzi vha sa ofhi.
5 Vha farelela kha maano avho mavhi;*
Vha langana nḓila ine vha ḓo dzumba ngayo zwikwekwe zwavho.
Vha ri: “Zwi ḓo vhonwa nga nnyi?”+
6 Vha ṱoḓa nḓila ntswa dza u ita zwi songo lugaho;
Vha vhamba maano avho a vhuṱali tshiphirini;+
Zwine vha elekanya mbiluni dzavho a zwi ṱalukanyei.
7 Fhedzi Mudzimu u ḓo vha pfula;+
Vha ḓo huvhadzwa nga musevhe nga khathihi fhedzi.
8 Ndimi dzavho dzi ḓo ita uri vha we;+
Vhoṱhe vhane vha ḓo vha vhona vha ḓo dzungudza ṱhoho dzavho.
9 Ndi hone vhathu vhoṱhe vha tshi ḓo ofha,
Vha ḓivhadza zwe Mudzimu a ita,
Vha ṱalukanya mishumo yawe.+