Dziphisalema
Phisalema i ambaho nga ha Salomo.
72 Iwe Mudzimu, ṋea khosi milayo yau,
Na murwa wa khosi u mu ṋee zwivhuya zwau.+
2 Ngavhe a tshi lwela vhathu vhau nga zwivhuya,
A lwele vha ḓiṱukufhadzaho nga u haṱula nga nḓila yo teaho.+
3 Ngavhe thavha dzi tshi ḓisela vhathu mulalo,
Na zwikwara zwi tshi ḓisela vhathu zwivhuya.
4 Ngavhe a tshi lamulela* vha ḓiṱukufhadzaho,
Ngavhe a tshi tshidza vhana vha vhashai,
Ngavhe a tshi fhelisa vha vhufhura.+
5 Vha ḓo ofha iwe musi ḓuvha ḽi tshi kha ḓi vha hone
Musi ṅwedzi u tshi kha ḓi vha hone,
Lwa mirafho na mirafho.+
6 U ḓo nga sa mvula ine ya nela hatsi ho hwivhiwaho,
Sa mvula ine ya sheledza ḽifhasi.+
8 U ḓo vha na vhalanda* u bva kha luṅwe lwanzhe u ya kha luṅwe lwanzhe
9 Vha dzulaho sogani vha ḓo gwadama phanḓa hawe,
Na maswina awe a ḓo ṋanzwa buse.+
10 Mahosi a Tharasisi na a zwiṱangadzimeni a ḓo mu luvha.+
Mahosi a Sheba na a Seba a ḓo ḓisa zwifhiwa.+
11 Mahosi oṱhe a ḓo gwadama phanḓa hawe,
Na tshaka dzoṱhe dzi ḓo mu shumela.
12 Ngauri u ḓo tshidza mushai ane a lila a tshi ṱoḓa thuso,
Na a ḓiṱukufhadzaho na muṅwe na muṅwe a si na muthusi.
13 U ḓo pfela vhuṱungu vha si na zwavho,
U ḓo tshidza vhashai.
14 U ḓo vha lamulela musi vha tshi khou tsikeledzwa na musi vhe khakhathini,
Malofha avho a ḓo vha a ndeme maṱoni awe.
15 Ngavhe a tshi lalama, a ṋewe musuku wa Sheba.+
Ngavhe vhathu vha tshi mu rabelela misi yoṱhe,
Na u mu fhaṱutshedza ḓuvha ḽoṱhe.
16 Hu ḓo vha na mavhele manzhi kha ḽifhasi;+
A ḓo ḓala a swika na ṱhodzini dza thavha.
Mitshelo yawe i ḓo ḓala sa ya Libanoni,+
Vhathu vha ḓo ḓala miḓini sa zwimela zwa kha ḽifhasi.+
17 Ngavhe dzina ḽawe ḽi tshi dzula ḽi hone nga hu sa fheli,+
Hune ḓuvha ḽa swika na dzina ḽawe nga ḽi bvelele.
Ngavhe vhathu vha tshi ḓiwanela phaṱhutshedzo ngae;+
Ngavhe tshaka dzoṱhe dzi tshi mu renda.
18 Ngavhe Yehova Mudzimu a tshi rendwa, Mudzimu wa Isiraele,+
Ndi ene e eṱhe ane a ita zwithu zwi mangadzaho.+
19 Ngavhe dzina ḽawe ḽa vhugala ḽi tshi rendwa nga hu sa fheli,+
Ngavhe vhugala hawe vhu tshi ḓadza ḽifhasi ḽoṱhe.+
Amen, Amen.
20 Thabelo dza Davida murwa wa Isai,+ dzi fhelela henefha.