Dziphisalema
2 Ndi ḓo amba na Yehova nda ri: “U vhukhudo hanga na vhushavhelo hanga,+
Mudzimu wanga ane nda mu fhulufhela.”+
3 Ngauri ene u ḓo u tshidza kha tshikwekwe tsha murei wa zwiṋoni,
Na kha dwadze.
4 U ḓo u kuvhatedza nga phapha dzawe,
U ḓo khuda nga fhasi ha phapha dzawe.+
U fhulufhedzea+ hawe hu ḓo vha tshiṱangu+ tshihulu na luvhondo lu tsireledzaho.*
5 A u nga ofhi zwi ofhisaho zwa vhusiku,+
Naho u musevhe u pfulwaho masiari,+
6 Naho ḽi dwadze ḽi dodelaho swiswini,
Naho hu ndozwo i fhelisaho nga masiari.
7 Hu ḓo wa vha tshigidi* thungo hau
Ha wa vha zwigidi zwa fumi* thungo ya tshanḓa tshau tsha u ḽa,
Fhedzi a zwi nga sendeli tsini na iwe.+
8 U ḓo sokou lavhelesa nga maṱo au
Musi u tshi vhona muvhi a tshi pfiswa vhuṱungu.
9 Ngauri wo ri: “Yehova ndi vhukhudo hanga,”
Wa-Ṱaḓulu-ṱaḓulu wo mu ita vhudzulo* hau;+
10 A hu na khombo ine ya ḓo u wela,+
A hu nga vhi na dwadze ḽine ḽa ḓo sendela tsini na dennde ḽau.
13 U ḓo kanda ndawana na phakhuphakhu;
U ḓo kanda ndau na ṋowa khulu.+
14 Mudzimu u ri: “Ngauri u a mpfuna, ndi ḓo mu tsireledza.+
Ndi ḓo mu tsireledza nga nṱhani ha uri u ḓivha dzina ḽanga.+
15 U ḓo mmbidzelela, nṋe nda aravha.+
Ndi ḓo vha nae musi o tsikeledzea.+
Ndi ḓo mu tshidza na u mu hulisa.