Yesaya
50 Yehova u ri:
“Lu ngafhi luṅwalo lwa ṱhalano+ lwa mme au, we nda mu pandela?
Kha vhakolodisi vhanga, ndo u rengisela kha ufhio?
2 Ndi ngani ho vha hu si na muthu musi ndi tshi ḓa?
Ndi ngani hu si na we a aravha musi ndi tshi vhidzelela?+
Naa tshanḓa tshanga ndi tshipfufhi lune tshi si kone u rengulula,
Kana a thi na maanḓa a u tshidza?+
Khovhe dzayo dza sina nga u shaya maḓi,
Dzo fa nga ḓora.
3 Ḽiṱaḓulu ndi ḽi ambadza swiswi,+
Nda ḽi ambadza dzanganda.”
4 Yehova Murena Muvhusahoṱhe o nṋea lulimi lwa vho funzwaho,+
Uri ndi kone u ḓivha nḓila yo teaho ya u fhindula* o netaho.+
U mvusa nga matsheloni maṅwe na maṅwe;
U a mvusa uri ndi thetshelese u fana na vho funzwaho.+
5 Yehova Murena Muvhusahoṱhe o vula nḓevhe yanga,
Nṋe ndi si vhe ḽishandukwa.+
A tho ngo vha na swili.+
6 Ndo ṋekedza muṱana kha vhane vha khou nthwa
Marama anga kha vhe vha nkokodza ndebvu.
A tho ngo dzumba tshifhaṱuwo tshanga musi vha tshi ntsema na u mpfela mare.+
7 Fhedzi Yehova Murena Muvhusahoṱhe u ḓo nthusa.+
Ndi ngazwo ndi sa ḓo shona.
Ndi ngazwo ndo khwaṱhisa tshifhaṱuwo tshanga sa tombo,+
Ndi a zwi ḓivha uri a thi nga ḓo shoniswa.
8 Ane a ḓivhadza uri ndo luga u tsini.
Kha ri imedzane.*
Ndi nnyi a re na mulandu na nṋe?
Kha ḓe kha nṋe.
9 Yehova Murena Muvhusahoṱhe u ḓo nthusa.
Ndi nnyi ane a ḓo mmbona mulandu?
Vha ḓo ṱahala sa tshiambaro.
Vha ḓo ḽiwa nga tshikhokhonono.
10 Ndi nnyi vhukati haṋu ane a ofha Yehova
Na ane a thetshelesa zwine mushumeli wawe a amba?+
Ndi nnyi we a tshimbila swiswini ḽihulu hu si na tshedza?
Kha fhulufhele dzina ḽa Yehova na u ḓitika nga Mudzimu wawe.
11 “Noṱhe vhane na vhasa mulilo,
Ni tshi ita uri ṱhase dzi thamuwe,
Tshimbilani tshedzani tsha mulilo waṋu,
Vhukati ha ṱhase dza mulilo we na u vhasa.
Hezwi ndi zwine na ḓo zwi wana zwi tshi bva kha tshanḓa tshanga:
Ni ḓo lala fhasi ni vhuṱunguni vhuhulu.