Yeremia
2 Yehova o amba na nṋe, a ri: 2 “Tshimbila u ye u ḓivhadze Yerusalema hezwi, ‘Yehova u ri:
“Ndi kha ḓi humbula zwavhuḓi u ḓikumedza hau* musi u tshee muswa,+
Lufuno lwe wa lu sumbedza musi wo fhulufhedziswa u vhingwa,+
U tshi ntevhela ngei sogani,
Shangoni ḽi sa zwalwi mbeu.+
3 Isiraele o vha e mukhethwa kha Yehova,+ e mitshelo ya u thoma ya khaṋo yawe.”’
‘Vhoṱhe vhe vha mu huvhadza vho vha vha tshi vhonwa mulandu.
Vho vha vha tshi welwa nga khombo,’ u ralo Yehova.”+
4 Ipfani zwe Yehova a amba, inwi vha nnḓu ya Yakobo,
Na inwi miṱa yoṱhe ya vha nnḓu ya Isiraele.
5 Yehova u ri:
“Ndi vhufhio vhukhakhi he vhomakhulukuku waṋu vha vhu vhona kha nṋe,+
Musi vha tshi nṱutshela,
Vha tevhela midzimu ya zwifanyiso i sa vhuyedzi tshithu+ na vhone vha sala vha si tsha vha tshithu?+
6 A vho ngo vhudzisa uri, ‘Yehova u ngafhi,
We a ri bvisa shangoni ḽa Egipita,+
We a ri ranga phanḓa ḓakani,
Shangoni ḽi re na masoga+ na madindi,
Na gomelelo+ na swiswi ḽihulu,
Ḽi sa tshimbili muthu
Na hune ha si dzule vhathu?’
7 Ndo ni ḓisa shangoni ḽi re na masimu a mitshelo,
Uri ni ḽe mitshelo yaḽo na zwithu zwaḽo zwavhuḓi.+
Fhedzi no ḓa na tshikafhadza shango ḽanga;
Na ita uri ifa ḽanga ḽi vhe tshithu tshi nengisaho.+
8 Vhotshifhe a vho ngo vhudzisa uri, ‘Yehova u ngafhi?’+
Vhane vha shuma nga Mulayo vho vha vha sa nḓivhi,
Vhalisa vho ntshandukela,+
Vhaporofita vho porofita nga dzina ḽa Baali,+
Vha tevhela vhane vha si vha vhuyedze nga tshithu.
9 ‘Ndi ḓo bvela phanḓa ndi tshi lwa na inwi,’+ u ralo Yehova,
‘Ndi ḓo lwa na vhaḓuhulu vhaṋu.’
10 ‘Fhedzi iyani zwiṱangadzimeni zwa Khithimi+ ni vhone.
Vha rumeni vha ye u ṱola Kedara+ nga vhuronwane;
Ni vhone arali ho no itea zwithu zwo raliho.
11 Naa hu na lushaka lwe lwa vhuya lwa laṱa midzimu yalwo lwa tevhela zwine zwi si vhe midzimu?
Fhedzi vhathu vhanga vho laṱa vhugala hanga vha tevhela zwi si na mushumo.+
12 Lavhelesani zwenezwi no mangala, inwi ḽiṱaḓulu;
Ofhani ni tetemele,’ u ralo Yehova,
13 ‘Ngauri vhathu vhanga vho ita zwithu zwivhili zwo vhifhaho:
14 ‘Naa Isiraele ndi mushumeli kana ndi phuli ye ya bebelwa muṱani?
Zwino ndi ngani o thubiwa?
15 Ndawana dzo mu vhombela;+
Dza pfala hoṱhe.
Dzo ita uri shango ḽawe ḽi ofhise.
Miḓi yawe yo fhiswa nga mulilo, uri hu si vhe na vhane vha dzula khayo.
16 Vhathu vha Nofe*+ na vha Thahapanese+ vho tshinyadza shango ḽau.
17 Naa a wo ngo tou ḓivhangela zwenezwi
Nge wa laṱa Yehova Mudzimu wau+
Musi a tshi khou u livhisa nḓilani?
19 Vhuvhi hau vhu ḓo u kaidza,
Na u sa fhulufhedzea hau hu ḓo u kaidza.
Ḓivha uri u laṱa Yehova Mudzimu wau,
Zwo vhifha, zwi a vhavha;+
A wo ngo nnyofha,’+ u ralo Yehova wa mavhuthu, Murena Muvhusahoṱhe.
20 ‘Ngauri ndi kale ndo vunḓa dzhogo yau+
Nda ṱhukhula ngeḓane dzau.
Fhedzi wa ri: “A thi nga u shumeli,”
Ngauri wo ganama wa rengisa muvhili+
Nṱha ha tshikwara tshiṅwe na tshiṅwe na fhasi ha muri muṅwe na muṅwe muhulu.+
21 Ndo u ṱavha u munḓirivhe wavhuḓi une wa aṋwa nḓirivhe tswuku,+ wa mbeu yavhuḓi;
Ndi ngani wo ntshandukela wa vha matavhi o sinaho a munḓirivhe wa ḓaka?’+
22 ‘Naho wa ṱamba nga soda na nga tshisibe tshinzhi,
Mulandu wau u ḓo dzula u dondo phanḓa hanga,’+ u ralo Yehova Murena Muvhusahoṱhe.
23 Ndi ngani u tshi ri, ‘A tho ngo ḓitshikafhadza.
A tho ngo tevhela Vhobaali’?
Lavhelesa nḓila yau govhani.
Ṱhogomela zwe wa ita.
U tou nga gamela ya luvhilo,
Ine ya gidimela ngeno na ngei hu si na tshine ya ṱoḓa,
24 U tou nga donngi yo ḓowelaho soga,
Ine ya fembedza i tshi ṱoḓa ya nduna.
Ndi nnyi ane a nga i fara musi yo hwelwa?*
Vhane vha i ṱoḓa a vha nga ḓo vhuya vha ḓinetisa.
Vha ḓo i wana nga tshifhinga tshayo.*
25 U songo ṱahadza zwienda zwau
Kana u farwa nga ḓora.
Fhedzi iwe wo ri, ‘Zwi a fana!+
26 U fana na mbava ine ya shona musi yo wanedzwa,
Na vha nnḓu ya Isiraele vho shoniswa,
Vhone na mahosi avho na vhakololo vhavho,
Na vhotshifhe vhavho na vhaporofita vhavho.+
27 Vha amba na muri vha ri, ‘U khotsi anga,’+
Vha amba na tombo vha ri, ‘Ndi iwe we wa mbeba.’
Fhedzi vho mpfuralela nṱhani ha u nndavhelesa.+
Musi vhe maṱunguni vha ḓo ri,
‘Takuwa u ri tshidze!’+
28 Zwino i ngafhi midzimu yau ye wa ḓiitela yone?+
Kha i takuwe i u tshidze kha maṱungu au arali i tshi nga kona,
Ngauri midzimu yau yo anda vhunga miḓi yau, Iwe Yuda.+
29 ‘Ndi ngani ni tshi dzulela u lwa na nṋe?
Ndi ngani no ntshandukela noṱhe?’+ u ralo Yehova.
30 Ndo sokou vhulayela vharwa vhaṋu mahala.+
31 Inwi murafho, thetshelesani ipfi ḽa Yehova.
Naa ndi vho nga soga kha Isiraele
Kana shango ḽa swiswi ḽihulu?
Ndi ngani vhathu vhanga vho ri, ‘Ri tshimbila ro vhofholowa.
A ri tsha ḓo ḓa kha iwe’?+
32 Naa musidzana* a nga hangwa madzanga awe,
Muselwa a nga hangwa hani mabannda awe a u vhofha khana?*
Naho zwo ralo, vhathu vhanga vho nkhangwa lwa maḓuvha manzhi.+
33 Iwe mufumakadzi, wo dzudzanya zwavhuḓi uri u funiwe!
Wo ḓigudisa nḓila mmbi.+
34 Na zwiambaro zwau zwi na madondo a malofha a vhashai vha si na mulandu,+
Ndo a wana kha zwiambaro zwau zwoṱhe;+
Hu si nḓuni ye ha vha hu tshi khou kwashiwa khayo.
35 Fhedzi u ri, ‘A thi na mulandu.
Ho ngo tsha ntsinyutshela.’
Zwino ndi ḓo u haṱula
Ngauri wo ri, ‘A tho ngo ita tshivhi.’
36 Ndi ngani u tshi dzhiela fhasi uri u dzula u tshi khou shandula nḓila yau?
37 Ndi ngazwo u tshi ḓo ṱuwa wo hwala zwanḓa zwau nṱha ha ṱhoho,+
Ngauri Yehova o laṱa vhane wa vha fhulufhela;
A vha nga ḓo ita uri u bvelele.”