Yobo
29 Yobo a bvela phanḓa na nyambedzano yawe a ri:
2 “Arali ndi vhe ndi kha ḓi nga zwiḽa zwa miṅwedzini yo fhiraho,
Misi iḽa Mudzimu a tshi kha ḓi vha o ntsireledza,
3 Musi a tshi ita uri luvhone lwawe lu vhonetshele kha ṱhoho yanga,
Musi ndi tshi tshimbila swiswini ndo vhonetshelwa nga tshedza tshawe,+
4 Musi ndi tshi kha ḓi vha muswa,
Musi Mudzimu a tshi kha ḓi vha khonani yanga e denndeni ḽanga,+
5 Musi Ramaanḓaoṱhe a tshi kha ḓi vha na nṋe,
Musi ndi tshee ndo tangwa nga vhana* vhanga vhoṱhe,
6 Musi ndi tshi kha ḓi ṱamba milenzhe yanga nga luvhomba,
Matombo a tshi ntshululela milambwana ya mapfura.+
7 Musi ndi tshi kha ḓi ya khoroni ya muḓi+
Nda dzula henefho khoroni,+
8 Vhaṱhannga vha tshi mmbona vho vha vha tshi sendela kule,*
Na vhakalaha vho vha vha tshi takuwa vha ima.+
9 Vhakololo vha tshi litsha zwe vha vha vha tshi khou amba;
Vha fara milomo yavho nga zwanḓa.
10 Maipfi a vhanna vha vhaḓivhalea a si tsha pfala;
Lulimi lwavho lwo omelela haṋwani havho.
11 We a vha a tshi mpfa o vha a tshi amba zwavhuḓi nga ha nṋe,
Vha mmbonaho vho vha vha tshi nṱanzielela.
14 Ndo ambara u luga u fana na zwiambaro;
Khaṱhulo yanga yo vha i tshi nga tshiambaro* na dugu.
15 Ndo vha ndi maṱo a vha sa vhoni.
Ndi milenzhe ya vho holefhalaho.
16 Ndo vha ndi khotsi a mushai;+
Ndo vha ndi tshi ṱoḓisisa uri ndi thuse uri vhane nda si vha ḓivhe vha haṱulwe nga nḓila yo teaho.+
17 Ndo vha ndi tshi vunḓa ṱhaha dza muitazwivhi+
Nda bvisa zwe a vha o fara nga maṋo.
18 Ndo vha ndi tshi dzulela uri: ‘Ndi ḓo fela muḓini wanga,*+
Maḓuvha anga a ḓo vha manzhi vhunga muṱavha wa lwanzhe.
19 Midzi yanga i ḓo navhela maḓini,
Na ṅwando u ḓo dzula kha matavhi anga vhusiku hoṱhe.
20 Vhugala hanga vhu dzulela u itwa vhuswa,
Ndi ḓo dzulela u pfula nga vhura vhu re tshanḓani tshanga.’
21 Vhathu vho vha vha tshi lindela uri vha pfe zwine nda amba,
Vho lindela nyeletshedzo yanga vho fhumula.+
22 Musi ndo no fhedza u amba a vha ambi tshithu;
Zwine nda amba zwo vha zwi tshi takadza nḓevhe dzavho.
23 Vho vha vha tshi nndindela u fana na mvula;
Vho vha vha tshi vula milomo yavho vha nga vho aṱamela mvula ya luṱavula.+
24 Musi ndi tshi sea navho, vho vha vha sa kholwi;
Tshedza tsha tshifhaṱuwo tshanga tsho vha tshi tshi vha khwaṱhisedza.