Yesaya
57 Muvhuya o lovha,
Fhedzi a hu na ane a zwi dzhiela nṱha.
Vhanna vha fhulufhedzeaho vha a vhulungwa,+
Hu si vhe na ane a zwi ṱhogomela uri muvhuya o vhulungwa
Nga nṱhani ha maṱungu.
2 U a dzhena hu re na mulalo.
Vhoṱhe vhane vha tshimbila nga u luga, vha awela kha vhulalo havho.*
3 “Fhedzi inwi sendelani,
Inwi vharwa vha muloi,
Inwi vhana vha phombwe na murengisi wa muvhili:
4 Ni khou kolela nnyi?
Ndi nnyi uyo ane na khou mu goḓa?
Naa a ni vhana vha vhutshinyi,
Vhana vha vhufhura,+
5 Vhane vha vha na lutamo luhulu lwa zwa vhudzekani mirini mihulu,+
Fhasi ha muri muhulu,+
Vhane vha vhulaya vhana vhavho magovhani,*+
Fhasi ha mabako a matombo mahulu?
6 Mukovhe wau ndi matombo a suvhelelaho a govhani.*+
Wonoyo ndi wone mukovhe wau.
Wo dovha wa a shululela zwifhiwa zwa u nwiwa na u a ṋekedza zwifhiwa.+
Naa ndi fushee* nga zwenezwi zwithu?
7 Wo adzela mmbete wau kha thavha khulu ine ya vha ndapfu,+
Wo gonya henefho uri u ṋekedze tshiṱhavhelo.+
8 Wo ḓiitela tshihumbudzo murahu ha vothi na kha fureme.
Wo ntsia, wa bvula zwiambaro;
Wo gonya wa engedza mmbete wau.
Wo ita mulanga nayo.
9 Wo tsela kha Meleke* u na mapfura
U na zwiḓolo zwinzhi zwi nukhelelaho.
Wo ruma vhaḓinḓa vhau kule,
Uri u kone u tsela Vhiḓani.*
10 Wo ḓinetisa nga u tevhela nḓila dzau nnzhi,
Fhedzi a wo ngo ri, ‘Ndi mahandana!’
Wo wana maanḓa maswa.
Ndi ngazwo u sa kulei nungo.*
11 Wo vha u tshi ofha nnyi
Lune wa thoma u zwifha?+
A wo ngo nkhumbula.+
A wo ngo zwi dzhiela nṱha.+
Naa a tho ngo ḓifhumutshela nda si ite tshithu?*+
A wo ngo nnyofha.
13 Musi u tshi lilela thuso,
Midzimu yau ya zwifanyiso ye wa i kuvhanganya a i nga ḓo u tshidza.+
Muya u ḓo i vhudzulela kule yoṱhe,
Mufemo zwawo u ḓo i vhudzulela kule,
Fhedzi ane a khuda nga nṋe shango ḽi ḓo vha ifa ḽawe
Thavha yanga khethwa ya vha yawe.+
14 Hu ḓo pfi, ‘Khura, khura nḓila! Lugisa nḓila!+
U bvise zwikhukhulisi zwoṱhe nḓilani ya vhathu vhanga.’”
“Ndi dzula nṱha fhethu hukhethwa,+
Fhedzi ndi dovha nda dzula na vho kuleaho nungo na vhane vha ḓiṱukufhadza,
Uri ndi dovhe ndi vusuluse vhashai
Uri ndi dovhe ndi vusuluse mbilu dza vho kuleaho nungo.+
16 Ngauri a thi nga lwi navho nga hu sa fheli
Kana a thi nga dzuli ndo vha sinyutshela;+
Ngauri muya wa muthu u ḓo kulea nungo nga nṱhani hanga,+
Na zwivhumbiwa zwi femaho zwe nda zwi sika zwi ḓo kulea nungo.
17 Ndo vha ndo sinyutshela vhuvhi hawe ha u ṱoḓa u ḓivhuyedza nga vhufhura,+
Nda mu rwa, nda dzumba tshifhaṱuwo tshanga, nda sinyuwa.
Fhedzi a bvela phanḓa a ḽishandukwa,+ a tevhela nḓila ine mbilu yawe ya i funa.
18 Nḓila dzawe ndo dzi vhona,
Fhedzi ndi ḓo mu fhodza+ na u mu livhisa+
Nda dovha nda mu khuthadza+ na vhathu vhawe vhane vha khou lila.”+
19 “Ndi khou sika maipfi a thendo.*
A dzulaho kule na a dzulaho tsini vha ḓo dzula vha tshi wana mulalo,”+ u ralo Yehova,
“Ndi ḓo mu fhodza.”
20 “Fhedzi vhavhi vha nga lwanzhe lwo halifhaho lu sa dziki,
Lune maḓi alwo a hwala zwimela zwa lwanzheni na matope.
21 Vhavhi a vha na mulalo,” u ralo Mudzimu wanga.+