Dziphisalema
BUGU YA VHURARU
(Dziphisalema 73-89)
Luimbo lwa Asafu.+
73 Ngangoho Mudzimu ndi wavhuḓi kha Isiraele na kha vha mbilu dzo ṱambaho.+
2 A vha nṋe, milenzhe yanga yo ṱoḓou pambuwa;
Milenzhe yanga yo ṱoḓou suvha.+
3 Ndo vha ndi tshi tama vhane vha ḓikukumusa
Ndi tshi vhona vhavhi vhe na mulalo.+
6 Ngauralo, u ḓikukumusa ndi vhulungu havho;+
Vhuvemu vha vhu fuka sa tshiambaro.
7 Lupfumo lwavho lwo ita uri maṱo avho a punḓe;
Vha na zwinzhi u fhira zwe vha vha vho zwi elekanya mbiluni dzavho.
8 Vha a goḓa na u amba zwithu zwivhi.+
Vha a ḓikukumusa, vha tshuwisa vhathu nga u vha tsikeledza.+
9 Vha amba u nga vha ngei nṱha ṱaḓulu,
Ndimi dzavho dzi zuwa zwa kha ḽifhasi.
10 Ngauralo, vhathu vhawe vha pambutshela kha vhone,
Vha nwa maḓi avho manzhi-manzhi.
11 Vha ri: “Zwi ḓa hani uri Mudzimu a zwi ḓivhe?+
Naa Wa-Ṱaḓulu-ṱaḓulu u a zwi ḓivha zwa vhukuma?”
12 Havha ndi vhone vhavhi vhane zwa dzula zwi tshi vha tshimbilela zwavhuḓi.+
Vha dzulela u engedza lupfumo lwavho.+
13 Ngangoho u kunakisa mbilu yanga zwo vha mahandana
Na u ṱamba zwanḓa zwanga uri zwi si vhe na mulandu.+
15 Fhedzi arali zwenezwo zwithu ndo zwi amba,
Ndo vha ndi tshi ḓo vha ndo fheṱa vhathu* vhau.
16 Musi ndi tshi lingedza u zwi pfesesa,
Ndo wana zwi tshi nndina
17 U swika ndi tshi dzhena nḓuni khethwa ya Mudzimu,
Nda ṱalukanya vhumatshelo havho.
18 Ngangoho u vha isa nḓilani i suvhaho.+
Wa vha wisa, vha fheliswa.+
19 Vha fheliswa nga u ṱavhanya zwi songo lavhelelwa.+
U fheliswa havho hu ofhisaho hu ḓo swika vha songo zwi lavhelela.
20 Iwe Yehova, zwi fana na muḽoro musi muthu a tshi vuwa,
Musi u tshi vuwa, u nga si dzhiele nṱha zwe wa zwi vhona.
21 Fhedzi mbilu yanga yo vha i tshi khou vhavha,+
Ndi tshi khou pfa vhuṱungu vhuhulu ngomu-ngomu* hanga.
22 Ndo vha ndi sa ṱalukanyi, ndi sa pfesesi;
Phanḓa hau ndo vha ndi tshi nga tshivhanda tshi sa humbuli.
23 Fhedzi zwino ndi na iwe tshifhinga tshoṱhe;
Wo fara tshanḓa tshanga tsha u ḽa.+
25 Ndi nnyi ane nda vha nae ngei ṱaḓulu?
Musi ndi na iwe, a thi tami tshithu kha ḽifhasi.+
26 Naho muvhili wanga na mbilu yanga zwi tshi nga fhelelwa nga nungo,
Fhedzi Mudzimu ndi tombo ḽa mbilu yanga na mukovhe wanga lini na lini.+
27 Ngangoho vhane vha sendela kule hau vha ḓo fa.
U ḓo fhelisa ane a u ṱutshela nga u ḓifara luvhi.*+
28 Fhedzi a vha nṋe, u sendela tsini na Mudzimu ndi zwone zwavhuḓi kha nṋe.+
Dzhavhelo ḽanga ndi Yehova Murena Muvhusahoṱhe,
Uri ndi ḓivhadze mishumo yau yoṱhe.+