Tsumbo Yavhuḓi—Vhaheberu Vhararu

Hananya, Misaele, na Asaria vho ima mudavhini wa Dura, tsini na Babele. Vho tangwa nga vhathu vho gwadamaho tsini na tshifanyiso tshihulwane. Hu sa londwi mutsiko wa thangana dzavho na u shushedzwa nga khosi, vhenevho vhaṱhannga a vha gwadameli tshenetsho tshifanyiso. Nga ṱhonifho na nga tshivhindi vha vhudza Nebukadanetsara uri vha nga si shandule phetho yavho ya u shumela Yehova.—Daniele 1:6; 3:17, 18.

Vhanevho vhaṱhannga vho ya vhuthubwani Babele musi vha tshee vhaswa. U fulufhedzea havho musi vha tshee vhaswa—u hana u ḽa zwiḽiwa zwe zwa vha zwo dzivhiswa nga Mulayo wa Mudzimu—zwo vha lugiselela uri vha kone u sedzana na milingo i konḓaho musi vho no aluwa. (Daniele 1:6-20) Vho vha vha tshi zwi ḓivha zwavhuḓi uri u thetshelesa Yehova ndi buḓo ḽa vhuṱali. Naa no ḓiimisela u thetshelesa zwilinganyo zwa Mudzimu hu sa londwi mutsiko wa thangana dzaṋu? Arali na guda u thetshelesa Yehova ni tshee muṱuku na kha zwithu zwine zwa vhonala zwi zwiṱuku, ni ḓo kona u dzula ni tshi fulufhedzea musi ni tshi sedzana na milingo mihulwane vhutshiloni.—Mirero 3:5, 6; Luka 16:10.