Ambani Nga Ha Zwithu Zwine Vhaṅwe Vha Zwi Takalela

Zwe Yesu A Zwi Ita

VIDIO: Yesu Na Mufumakadzi We A Mu Wana Tshisimani

1. Ṱalelani VIDIO, kana ni vhale Yohane 4:6-9. Nga murahu ni fhindule mbudziso dzi tevhelaho:

1. Ndi mini zwe Yesu a zwi ṱhogomela nga ha onoyo mufumakadzi musi a sa athu thoma u amba nae?

2. Yesu o ri: “Nkele maḓi ndi nwe.” Ndi ngani ni tshi nga ri yeneyo yo vha i nḓila yavhuḓi ya u thoma nyambedzano?

Ri Guda Mini Kha Yesu?

2. Ri nga vha na nyambedzano yavhuḓi arali ra thoma nga u amba nga ha zwithu zwine muthu a zwi takalela.

Edzisani Yesu

3. Ni tendelane na zwiimo. Ni songo kombetshedza u thoma nyambedzano nga nḓila ye inwi na vha no lugiselela ngayo. Thomani nyambedzano nga ha zwithu zwine vhathu vha khou zwi humbula nga tshenetsho tshifhinga. Ḓivhudziseni uri:

1. ‘Ndi afhio mafhungo a re milomoni ya vhathu?’

2. ‘Vhahura vhanga, vhashumisani kana vhane nda dzhena navho tshikolo vha khou ambesa nga ha mini?’

4. Ivhani na vhusedzi. Ḓivhudziseni uri:

1. ‘Muthu ane nda khou amba nae u khou ita mini? A nga vha a khou humbula nga ha mini?’

2. ‘Zwe onoyo muthu a zwi ambara, mbonalo yawe kana haya hawe zwi mmbudza mini nga ha zwine a tenda khazwo kana mvelele yawe?’

3. ‘Naa ndi tshifhinga tshavhuḓi tsha u amba na onoyo muthu?’

5. Thetshelesani.

1. Ni songo ambesa.

2. Ṱuṱuwedzani ane na khou amba nae uri a ambe mavhonele awe. Musi zwo tea, vhudzisani mbudziso.