Ḓivhetsheleni Zwipikwa Nga Tshifhinga Tsha Tshihumbudzo

Ṅwaha muṅwe na muṅwe, vhathu vha Yehova vha lavhelela nga maṱo matswuku uri vha vhe vhoṱhe Tshiumbudzoni. Nga vhege dza musi ḓuvha ḽa Tshihumbudzo ḽi sa athu swika na musi ḽo no fhira, ri shumisa zwibuli zwine ra zwi wana u itela u renda na u livhuwa Yehova nga nṱhani ha tshifhiwa tsha tshirengululi tshe a ri ṋea. (Ef 1:3, 7) Sa tsumbo, ri ita zwoṱhe zwine ra nga kona u itela u ramba vhaṅwe Tshihumbudzoni. Vhaṅwe vha a lugisa zwiimo zwavho uri vha kone u thusa nga u vula nḓila lwa awara dza 30 kana 50 nga ṅwedzi wa March kana April. Naa ni nga takalela u fhedza tshifhinga tsho engedzeaho vhuḓinḓani nga tshifhinga tsha Tshihumbudzo? Ndi mini zwine zwa nga ni thusa?

Kanzhi, ri a kona u khunyeledza zwinzhi arali ro dzudzanya hu tshee nga phanḓa. (Mir 21:5) Samusi tshifhinga tsha Tshihumbudzo tshi tshi khou sendela, zwino ndi tshifhinga tsha u thoma u dzudzanya. Humbulani uri ni nga ita hani zwo engedzeaho vhuḓinḓani nga tshifhinga tsha Tshihumbudzo nahone ni vhone uri ni nga ita mini u itela u swikelela zwipikwa zwaṋu. Nga murahu ni humbele Yehova uri a fhaṱutshedze vhuḓidini haṋu.—1Yo 5:14, 15.

Naa ni a humbula nga ha dziṅwe nḓila dza u ita zwo engedzeaho vhuḓinḓani nga tshifhinga tsha Tshihumbudzo?