Zwine Na Nga Zwi Ita Kha Ngudo Ya Muthu Nga Eṱhe Na Kha Vhurabeli Ha Muṱa

A ri sokou gwadamela Yehova musi ro kuvhangana na vhaṅwe miṱanganoni, maguvhanganoni na mabuthanoni, fhedzi ri dovha ra mu gwadamela ri roṱhe kana ri na miṱa yashu. Khezwi zwiṅwe zwine na nga zwi ita musi ni tshi ita ngudo ya muthu nga eṱhe na vhurabeli ha muṱa:

• Lugiselelani miṱangano. Ni nga guda na u imba nyimbo dzine dza ḓo imbiwa miṱanganoni na u thusa muṅwe na muṅwe muṱani uri a lugiselele phindulo.

• Vhalani nga ha maṅwe mafhungo a re Bivhilini. Nga murahu ni ole nga ha zwe na zwi vhala kana ni ṅwale fhasi zwe na zwi guda.

• Vhalani nga ha thabelo i re hone Bivhilini nahone ni haseledze uri i nga ni thusa hani u khwinisa thabelo dzaṋu.

• Ṱalelani vidio i re kha jw.org ni i haseledze na vhaṅwe kana ni ṅwale mafhungo nga ha zwe na zwi guda khayo.

• Lugiselelani u ya tsimuni, ni ite nḓowe-nḓowe nga ha nḓila ine na ḓo huwelela ngayo.

• Sedzani zwe Yehova a zwi sika nahone ni elekanye kana u haseledza nga ha uri zwi ni gudisa mini nga hae.a