Qual l’è el propòsito de Dio par la umanità?
QUANDO ti te lesi un giornal, te vardi la television o te scolti la ràdio, ti te vedi e scolti tante stòrie de violensa, guera o terorismo. Fursi ti te sì drio sofrir par via de una malatia o parché qualchedun che ti te ami l’è morto.
Domàndate:
Sarà che l’è questo che Dio el vol par mi e par la me fameia?
Ndove posso catar aiuto par infrontar i me problemi?
Sarà che qualche di ghen sarà pace?
La Bìblia la ne dà le risposte a ste domande.
LA BÌBLIA LA INSEGNA CHE DIO NDARÀ FAR ROBE MARAVEIOSE QUA NTELA TERA.
Le persone no le sentirà dolor, no le restarà vècie e gnanca le morirà. —Apocalipse 21:4
“El sòto ndarà saltar come el servo.” —Isaías 35:6
“I oci dei orbi i sarà verti.” — Isaías 35:5
Quei che i ze morti i ndarà viver nantra volta. —João 5:28, 29
Nissun pi restarà malà. —Isaías 33:24
Tuti i gavarà tanto de magnar. —Salmo 72:16
COME BENEFISSIARSE DEI INSEGNAMENTI BÌBLICHI?
Ti te pol pensar che queste promesse le ze massa bone par creder. Ma Dio el ga promesso che presto Lu el farà sti cambiamenti qua ntela Tera e la Bìblia la spiega come Lu ndarà farli.
La Bìblia anca la dise cossa gavemo de far par esser felice e goder la vita ancoi. Pénseghe sora: cossa te assa triste? Pol esser un problema económico o un problema ntela fameia, un problema de salute o la morte de una persona che ti te ami. La Bìblia la pol giutarte a infrontar sti problemi e la pol darte consolo rispondendo a domande come:
Parché sofrimo?
Come podemo infrontar i nostri problemi?
Come la to fameia la pol esser felice?
Quala la è la condission dei morti?
Sarà che ndaremo veder nantra volta quei che i ze morti?
Parché podemo fidarse che Dio el farà tuto quel che el ga promesso?
Se ti te sì drio leser sto libro l’è parché te vol saver quel che la Bìblia la insegna e sto libro ndarà giutarte. Par cada paràgrafo ghen’è domande che le te giutarà a capir meio la Bìblia. Ghen’è milioni de persone che le ghe piase discorer sora la Bìblia cole Testimònie de Geovà. Spetemo che sia cossita anca par ti. Ti te pol ricever la benedission de Dio intanto che te sì drio imparar quel che la Bìblia la insegna.