Sarà che la Bìblia la pol giutarme se go depression?

La risposta dela Bìblia

Si, parché el meio aiuto el vien de “Dio, che el consola quei che i ze desanimadi”. — 2 Corinti 7:6.

Come Dio el giuta quei che i ga depression

• Forsa. Dio ‘el te consola’ quando el te dà la forsa che te ghe ghè domandà in orassion, invesse de finir fora coi to problemi. (Filipensi 4:13) Te pol esser sicuro che Dio sempre el te scolta, parché la Bìblia la dise: “Geovà l’è darente de quei che i ga el cuor pien de tristessa. Lu el salva quei che i ze desanimadi.” (Salmo 34:18) Ricòrdate che Dio el ndarà sempre scoltarte anca se no te sarè bon de contarghe pròpio quel che te senti. — Romani 8:26, 27.

• Esempi de quei che i ga bio depression. Un scritor dela Bìblia el ga pregà a Dio: “Mi te domando aiuto quando son pien de sofrimento.” Una roba che ga giutà questo scritor a darghene fora cola depression l’è stà ricordarse che Dio el perdona i pecati. Lu el ga dito: “Se te tegnessi in mente i sbali, chi che saria bon de restar in pié? Parché ti te perdoni del bon, e par quela le persone le te lodarà.” — Salmo 130:1, 3, 4.

• Speransa. Dio el ne dà el consolo che ghemo bisogno adesso, ma anca el ne promete de finir fora tuti i problemi che ne fà sofrir tanto. Alora, “le robe che ghen’era vanti [anca la depression] no le sarà ricordade gnanca le tornarà al cuor.” — Isaia 65:17.

Nota: L’è vera che le Testimònie de Geovà le sa che Dio el pol giutar, ma lore le va in serca del aiuto del dotor par gaver tratamenti par la depression. (Marco 2:17) Lore no le dise che tratamento cada un el ga de far, parché le crede che le persone le ga de far le so dessision.