Qual che l’è el ogetivo dela vita?

La risposta dela Bìblia

Tante persone le se domanda qual che l’è el ogetivo dela vita. Fursi lore le se domanda cossita: Parché che semo qua? Sarà che la me vita la ga un ogetivo? La Bìblia la ne mostra che el ogetivo dela vita l’è esser amigo de Dio. Varda arquante verità fondamentai che imparemo dela Bìblia:

• Dio l’è el nostro Creador. La Bìblia la dise: “L’è stà [Dio] che el ne ga fato, e nò noantri a noantri stessi.” — Salmo 100:3; Apocalisse 4:11.

• Dio el ga un ogetivo par tuto quel che el ga fato, e anca par noantri. — Isaia 45:18.

• Dio el ne ga creà con “nessessità spirituai”, e una de queste nessessità la ze la nostra voia de catar el ogetivo dela vita. (Mateo 5:3) E Dio el vol che noantri semo boni de catar questo ogetivo. — Salmo 145:6.

• Quando semo amighi de Dio, gavemo tuto quel che ne ocore in senso spiritual. Anca se tanti i pensa che no semo boni de esser amighi de Dio, la Bìblia la ne convida: “Rivé darente de Dio e lu el rivarà darente de valtri.” — Tiago 4:8; 2:23.

• Par esser amighi de Dio, ne ocore viver de acordo col so ogetivo par noantri. La Bìblia la ne mostra qual che l’è questo ogetivo in Eclesiasti 12:13: “Temi el vero Dio e obedissi ai so comandamenti, parché questa la ze tuta la obrigassion del omo.”

• Ntel futuro, ndaremo veder el ogetivo de Dio par noantri realisarse del tuto, quando Dio el va finir fora con tuto el sofrimento e darghe la vita eterna ai so amighi, o sia, a tuti quei che i lo adora. — Salmo 37:10, 11.