Ghemo un giorno marcà par morir?

La risposta dela Bìblia

No, no ghemo mia un giorno marcà par morir. La Bìblia no la ze mia de acordo cola idea de che el destino el controla la nostra vita. Ela la dise che, tante volte, le persone le more “parché a tuti pol suceder qualcossa rugna o che no i speta mia”. — Eclesiasti 9:11.

Ma la Bìblia no la dise che ghen’è un “tempo par morir”?

Si, in Eclesiasti 3:2 dise che ghen’è “tempo par nasser e tempo par morir. Tempo par piantar e tempo par cavar via quel che se ga piantà”. Ma i altri versìcoli de quel capìtolo i mostra che la Bìblia la ze drio parlar de come le robe normai dela vita le sucede. (Eclesiasti 3:1-8) Dio no’l ga marcà un giorno par noantri morir, cossita come lu no’l ga marcà una ora par un colono piantar qualcossa. Invesse, questo testo el ne insegna che no ghemo de restar massa preocupadi cole robe de tuti i giorni e desmentegarse del nostro Creador. — Eclesiasti 3:11; 12:1, 13.

Noantri podemo far qualcossa par viver de pi

Anca se no ghemo come saver quel che ndarà suceder nel futuro, podemo viver de pi se femo bone dessision. La Bìblia la dise: “El insegnamento del sàbio l’è una fonte de vita, e el giuta le persone a restar distante dele tràpole dela morte.” (Proverbi 13:14) Moisè el ga dito ai israeliti che lori i podaria “viver tanto tempo” se i fusse obedienti ai comandamenti de Dio. (Deuteronómio 6:2) Ma, se femo brute dessision, la nostra vita la pol esser pi curta. — Eclesiasti 7:17.

L’è vera che, anca se se tendemo e femo bone dessision, no ghemo come scampar via dela morte. (Romani 5:12) Ma no sarà cossita par sempre, parché la Bìblia la promete che, un giorno, “no ghen sarà pi la morte”. — Apocalisse 21:4.