Cossa che le Testimònie de Geovà le pensa sora el divòrsio?
Noantri ndemo drio quel che la Bìblia la dise sora el matrimònio e el divòrsio. Dio el ga creà el matrimònio, e el vol che un omo e una dona che i ze maridadi i reste insieme par sempre. De acordo cola Bìblia, la ùnica rason par el divòrsio la ze la imoralità sessual, come, par esémpio, se un tradisse el altro. — Mateo 19:5, 6, 9.
Le Testimònie de Geovà le giuta quei che i ga problemi nel matrimònio?
Si, de arquante maniere:
Publicassion. Le nostre reviste, libri e vìdei sempre i ga assunti par giutar i maridadi, fin quando ghe par che i so problemi no i ga mia solussion. Par esémpio, varda i artìcoli “Manter o compromisso com o seu casamento”, “Aprenda a perdoar” e “Recuperar a confiança no casamento”.
Riunion. Le nostre riunion, assemblee e congressi sempre i ga boni consili par el matrimònio, e questi consili i vien dela Bìblia.
Ansiani. Lori i pol mostrar consili dela Bìblia par giutar i casai che i ga problemi, come, par esémpio, el consìlio de Efesi 5:22-25.
Una Testimònia de Geovà la ga bisogno dela autorisassion dei ansiani par divorsiarse?
No. Anca quando i ansiani i giuta un omo e una dona che i ga problemi nel matrimònio, lori no i ga mia autorità par dirghe cossa che i ga de far. (Gàlati 6:5) Ma una persona che la desside divorsiarse sensa una rason che la ze de acordo cola Bìblia no la ze mia lìbera ai oci de Dio par maridarse nantra volta. — 1 Timòteo 3:1, 5, 12.
Cossa che le Testimònie de Geovà le pensa sora spartirse?
La Bìblia la incoraia i maridadi a star insieme anca quando i ga dificoltà. (1 Corinti 7:10-16) Lori i pol risolver tanti dei so problemi quando i prega de cuor, quando i mete in pràtica i consili dela Bìblia e quando i mostra amor un par el altro. — 1 Corinti 13:4-8; Gàlati 5:22.
Ancora cossita, arquanti cristiani i desside spartirse del omo o dela dona quando ghen’è bruti problemi, come questi:
Quando el omo no’l vol mia mantegner la fameia. — 1 Timòteo 5:8.
Quando un l’è massa violento con quelaltro. — Salmo 11:5.
Quando un de lori no assa mia el altro servir a Dio. Par esémpio, un omo o una dona de una Testimònia de Geovà proa farla desobedir ale lege de Dio. In situassion cossita, pol esser che la persona la veda che sol la sarà bona de “obedir a Dio come governante” se la se spartisse. — Ati 5:29.