Parché che ghen’è cada volta de pi violensa? — Cossa la Bìblia la dise?

Grupi violenti i rabalta fora tuto in Haiti. Ghen’è cada volta de pi bruti crimi nela Àfrica del Sud, nel Mèssico e in paesi dela Amèrica Latina. Fin in posti ndove ghen’è manco violensa de una volta, le persone le scolta notìssie sora bandidi che i ciava, i rovina e i brusa le robe dei altri. Cossita le persone no le se sente pi sicure e le resta tanto preocupade.

Cossa che la Bìblia la dise sora la violensa che ghen’è in tuto el mondo?

Quel che la Bìblia belche la disea sora la violensa

La Bìblia belche la disea che la violensa la saria parte del segnal “del fin del sistema de cose”. (Mateo 24:3) Gesù Cristo el ga dito sora questo segnal:

• “Par via del aumento de quel che l’è contra la lege, el amor dela maioransa el se sfredarà.” — Mateo 24:12.

La Bìblia anca belche la disea che “nei ùltimi giorni” le persone le saria “sensa autocontrolo, crudele, sensa amor a quel che l’è bon”. (2 Timòteo 3:1-5) Par quela che ghen’è cada volta de pi violensa ancoi.

Ma podemo gaver speransa. La Bìblia la ne promete che suito la violensa no ghen sarà pi.

• “Ancora un poco, e i rugni no i ghen sarà pi. Te vardarè ndove che i era, e no te li catarè. Ma i mansi i sarà paroni dela tera, e i gavarà tanta alegria par via dela granda pace.” — Salmo 37:10, 11.

Impara de pi sora la speransa che ghen’è nela Bìblia e parché te pol esser sicuro che quel che l’è drio suceder ancoi l’è pròpio quel che la Bìblia la disea. Se te vol saver de pi, ledi i artìcoli:

“Você pode acreditar num futuro melhor”

“Cossa l’è el segnal dei ‘ùltimi giorni’ o del ‘fin dei tempi’?”

“Será que a Bíblia já falava como as pessoas iriam pensar e agir hoje?”