Parché le Testimònie de Geovà le seita proar parlar con quei che i ga dito che no i ga interesse?

Le Testimònie de Geovà le ga caro de parlar a tuti sora el messàgio dela Bìblia parché le ama a Dio e ale persone, anca a quei che i dise che no i ga interesse in quel che parlemo. (Mateo 22:37-39) Gesù el ne ga dato la òrdine de dar un “testimònio completo”, o sia, predicar a tute le persone. E semo boni de far questo laoro parché amemo a Dio. (Ati 10:42; 1 Gioani 5:3) Cossita, proemo predicar ale persone tante volte, come i profeti del passà i ga fato. (Geremia 25:4) Noantri amemo tute le persone, anca quele che le ga dito che no le ga interesse. Alora, seitemo a predicar “le bone notìssie del Regno” a lore parché questo messàgio pol salvar la so vita. — Mateo 24:14.

Dele volte, quando parlemo cole persone, le ne dise che no le ga interesse. Ma quando ndemo nantra volta nele so case, le càmbia de idea. Parché che sucede cossita?

• Le persone le càmbia el so posto de star.

• Pol esser che altre persone dela fameia le gàpia interesse.

• Le persone le càmbia la so maniera de pensar. Pol esser che qualcossa che ga sucedesto nel mondo o nela so vita fà che la veda che ‘la ga bisogno de Dio’ e fursi la dimostra interesse in imparar sora la Bìblia. (Mateo 5:3) Fin quei che prima i ne vegnea contra pol esser che i scomìnsie a pensar de maniera difarente, come ga sucedesto col apòstolo Paolo. — 1 Timòteo 1:13.

Ma noantri no volemo che nissuni i acete el nostro messàgio par forsa. (1 Piero 3:15) Par noantri, cada persona la ga de scòlier in quel che la ndarà creder. — Deuteronómio 30:19, 20.