MAKHALELO A MAKRISTU
Ehuhu Yoowonihera Nsivelo
Heeni hiyo sinnisivelaya mithukumano mitokweene? Ntoko ifesta sa maisarelita savahaaya eparakha yoomukokorela Yehova. Hiyo tho naarowelaka mithukumano mitokwene sinnanivaha eparakha yoomukokorela Yehova ni asinna akina. Mene sinnansivela vantxipale itthu ninxutteraahu ni mithukumano iyo. Ni-tho vannarera okhala ni asinthamwene ahu ni amosaahu ehuhu ene yeeyo. Weera noonihere weera ninnahela mwiitti mithukumano iyo, hiyo ninniilipihera weera nikhale omithukumanoni iwo.
Nathukumana ni asinna, ontthuneya woonihera nsivelo ohiya wisupuwela hiyo paahi. (Aga 6:10; Aheb 10:24, 25) Nto nahulaka mulako ni ohakamela nipuro, ninnonihera weera khannasa sawihuru. (Aef 2:3, 4) Mithukumano sinnovahani eparakha yowapaka asinnthamwene, ehuhu yowiitthuwa naari okhwipi wa mithukumano nyuwo pooti otthekula ni atthu muhintalaanyu wuulumano. (2Akor 6:13) Asinthamwene nnaapaka ahu mmithukumanoni mitokweene enokhala asinthamwene ekhaikhai! Ohiya eyo atthu akina ahininvarela muteko Yehova ennoona osivelana wahu ni asinna, eneereke otthuna omusuwela Yehova.—Yohani 13:35
MOONE EVIIDIYU ENEERA: MITHUKUMANO MITHOKWEENE WA ILAPO IKINA “OPHENTA OHIMMALA-THO”. AVINYAKA MPAKE MAKOHO ALA:
Asinna aawoonihenre hayi nsivelo atthu yanrowenle woonela muthukumano mutokweene wa elapo ekina eyaakha ya 2019?
Heeni oraaya wootikiniha osivelana ni wiiraana ori eriyari ya atthu a Yehova?
Asinna akina a Mukuttula woolamulela yuulumme eheeni sa nsivelo nri eriyari ya makristu?
Nyuwo munrowa woonihera hayi nsivelo mmithukumanoni mitokweene?
Nsivelo naathukumannye hayi asinna a wAlemanha ni a oCoreia do Sul?
Hiyo nintthuneya olakela opaka eheeni?