Ekumi ni mutekwaahu Ekadernu ya vamweerini—2025 | Julyo

28 A JULHO–3 A AGOSTO

MIRUKU 24

Etxipo 38 ni Nivekelo | Masu oohulela (emin. 1)

MIHAKHU SA MASU A MULUKU

1. Mwiireherere wa maxupo munrowaanyu okumanano

(imin. 10)

Mwaatxeerere osuwela wanyu ni mukhale amiruku (Mir 24:5; it-2 epaax. 643 eparag. 2)

Nvireleleke opaka mavekelo, omusoma Biblya mahiku ootheene ni woonela mithukumano, naari emaara yeeyo munkhulumuwaanyu (Mir 24:10; w09 15/12 eparag. 18 epaax. 12-13)

Nroromelo noolipa ni nsivelo nahu wa Yehova, nnoonikhavihera ovilela maxupo (Mir 24:16; w20.12 epaax. 15)

Murokora mmoha orinono eretta avaraka moohakalala muteko woolaleera empa ni empa ni murokora mukina. Owo amooniheraka etthu mwaneene vaate mutaableetini mwawe.

2. Othokorora itthu soomunepani

(imin. 10)

Mir 24:27 — Eheeni ninxutteraahu ni eversu ela? (w09 15/10 epaax. 12)

Mulepeke va inoota sanyu
Itthu heeni sootthuneya mphwannyaanyu emaara mwaamusomaanyu Biblya esemana ela?

Mulepeke va inoota sanyu

3. Omusoma Biblya

(imin. 4) Mir 24:1-20 (th-MAC 11)

MWIILIPIHERE OVARA MUTEKO WOOLALEERA

4. Otthekula woopatxera

(imin. 2) OLALEERA WOOHIIREHERERA. Otthekula wanyu onnamala muhinaaye ovaha onamoona. (lmd yoosoma 2 epontu 4)

5. Otthekula woopatxera

(imin. 3) EMPA NI EMPA. (lmd yoosoma 3 epontu 4)

6. Otthekula woopatxera

(imin. 3) OLALEERA WA VANLAKANI. Mmuleele mutthu owo woohima sa eprograma ya omusoma Biblya ni munvahe ekartau ya omusoma Biblya. (lmd yoosoma 4 epontu 3)

7. Mwaha

(imin. 3) lmd ethonyero A epontu 11 — Muru: Muluku onnuuluma ni hiyo. (th-MAC 6)

MAKHALELO A MAKRISTU

Etxipo 99

8. Mukhaviheraneke mukina ni mukhwaawe emaara ya maxupo

(imin. 15) Mwaha.

Eretta, erisa ya ephattu, onyakulihana wa anamalamulela vamoha ni atthu aya, ikhotto naari otthara-tthariwa, pooti okhumelela mootutuxera. Vaavo enkhumelelaaya maxupo, asinna emphwanyiwa ni maxupo awo, enniiraana weera ekhaviherane ni olipihana mukina ni mukhwaawe. Menento, nnaamweera hiyo nihiphwanyinweene ni maxupo awo, ninniihela nipuro na asinna awo ni ninnapaka ele ninweraahu weera naakhavihere. — 1Ako 12:25, 26.

Otakanseriwa wa ifootu: Asinna ni asirokora yaakhaviheraka asinna akina mwa mikhalelo soovirikana. 1. Asinna ni asirokora etthikelaka oteka Empa ya Omwene yaanyaanyinwe ni erisa ya ephattu. 2. Asinna ni asirokora emwaakhelelaka maaye ni mwanawe yoowo okhumme owannyawe. 3. Murokora mmoha avonyeraka musurukhu mukaaxani ya soovaha Empa ya Omwene. 4. Asinna ni asirokora yaavahaka itthu soohaaweleya asinna Empa ya Omwene yaawo ekhumme mmawannyaya. 5. Asinna oowiivaherera yaavahaka maahi asinna akina. 6. Munna avekelaka.

Mmusome 1 Mamwene 13:6 ni Yakobe 5:16b. Avinyaka mpake nikoho nna:

Mwaha wa heeni mavekelo arumeyi a Yehova enaavekelelaaya atthu akina eraaya oowera?

Mulepeke va inoota sanyu

Mmusome Marko 12:42-44 ni 2 Akorinto 8:1-4. Avinyaka mpake nikoho nna:

Nnaamweera nreeneno itthu vakhaani, naari nihikhanleno etthu yoovaha weera nikhavihere muteko wa elapo yootheene woowaakhavihera asinna enhaawela nikhavihero, mwaha wa heeni nintthuneyaahu opaka ele ninweraahu?

Mulepeke va inoota sanyu

Moonihere EVIIDIYU Walipiha asinna vaavo muteko ahu wakhottihiwaaya. Avinyaka mpake makoho ala:

Itthu heeni sa nsivelo asinna yaapankaaya weera yaakhavihere asinna yaakhala wEuropa Oriental weiwo muteko ahu waakhoottihiwaaya?

Mulepeke va inoota sanyu
Vaavo muteko ahu waakhoottihiwaaya, moota heeni asinna yiiwelelaaya nlamulo na othukumana ni olipihana mukina ni mukhwaawe? — Aheb 10:24, 25

Mulepeke va inoota sanyu