Okhala piyoneiru

Okhalano sooluluwanya soomunepani sinnanikhavihera ovarihela nnene muteko ikuru sahu. (1Akor 9:26) Ohiya eyo paahi, sooluluwanya sinnanikhavihera ovarihela nnene muteko etempu ehanle vakhaaneene weera elapo ela enyanyiwe. (Aef 5:15, 16) Munoonela hayi, emaara mummukokhorelaanyu Muluku veemusini vanyu wuuluma voohima sa sooluluwanya muntthunanyu okhalano eyaakha enyowani ya muteko? Weera mukhavihereye, ekadernu ya vamweerini ela, yookhalano nyaha ni miruku voohima sa sooluluwanya mukhanlanyu ookhalano. Munvekele Yehova nikhavihero voohima sa mwaha ola munivekeloni.—Yak 1:5.

Mwa ntakihero, nnikhavihero na atthu ootheene eneerela empari emusi anyu, neereke pooti okhala piyoneiru anthiti mutthu mmoha a vathokoni vanyu? Wakhala weera nyuwo munoona weera khamunwera okwanihera iwoora sinvekeliwa, mutthekule ni mapiyoneiru arinono mukhalelo onlikana ni wa winyu. (Mir 15:22) Vaawereyaka nyuwo pooti onwopa piyoneiru va yookokhorelaanyu ya veemusini weera mmukohakohe. Nave muupuwele opaka eprogramação eneera yookhumeleni nnene, muupuwela vale mulepe eprogramação eyo va nipuroni. Wakhala weera mohinta ovara muteko wopiyoneiru khalayeene, mweemele ni muupuweelele mukhalelo anyu wa mahukwaano ni moone waari weera munoowera otthikela okhala piyoneiru veeli.

Neereke nyuwo naari mutthu mukina a veemusini vanyu vanwereya ovara muteko wa opiyoneiru wookhavihera mweeri mmoha naari sintxipale mpuwa mwa eyaakha ya muteko enyowani? Wakhala weera mukhalelo anyu onnawootxelihani opaka eyo, nyuwo pooti orowaka ovara vakhanene muteko woolaleera kata nihuku. Ni tho, wakhala weera nyuwo mutthu owaatteliwa mahuku ootheene ni khamunkhalano etempu mwaha wa muteko anyu, naari mwaha wooskola, nyuwo pooti othanla mweeri mmoha orino eferiyado naari ifinta semana ithanu weera murowe ovara muteko woolaleera. Mulepe va kalendariyuni vanyu myeeri muntthunanyu ovara muteko wa opiyoneiru wookhavihera ni mumpake palanu munrowaanyu omuttharaka.—Mir 21:5.

MOONELE EVIIDIYU ENEERA: MUKHALE OOLIPA MURIMA! . . . NYUWO MAPIYONEIRU, AVINYAKA MWAAKHULE NIKOHO NNA:

• Moovarihana ni murokora a nviidiyuni Yehova onoonihera moota heeni weera onnaasamara ale aniilipihera weera ekhale piyoneiru?