18-24 A NOVEMBRO
MASALMU 107-108
Etxipo 7 ni Nivekelo | Masu oohulela (emin. 1)
1. “Mmuthamale Yahvéh, niwoko t’òrera murima”
(imin. 10)
Hiihaale ntoko Yehova aavulunxaawe ana a Israeli oBabilonia, owo-tho oonivuluxa mwa elapo ela ya Satana (Nsa 107:1, 2; Akol 1:13, 14)
Omuxukurela wahu Yehova onnaneeriha onvuwiha mmulokoni (Nsa 107:31, 32; w07-T 15/4 epaax. 20 eparag. 2)
Hiyo pooti waatxeerera omuxukurela wahu Yehova nuupuwelelaka itthu sootheene owo onipakenlaawe (Nsa 107:43; w15-MAC 15/1 epaax. 9 eparag. 4)
2. Othokorora itthu soomunepani
(imin. 10)
Nsa 108:10 [108:9, Tradução do Novo Mundo] — Mwaha wa heeni Mowabi aalikanxerinwaawe ni “ekahi ya onyawa” ya Muluku? (it-2 epaax. 396 eparag. 4)
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Nsa 107:1-28 (th-MAC 5)
4. Otthekula woopatxera
(imin. 3) OLALEERA WOOHIIREHERERA. (lmd yoosoma 1 epontu 4)
5. Munnuwiheraka opwatthela
(imin. 4) OLALEERA WOOHIIREHERERA. Mmuleele mutthu owo woohima sa eprograma ahu ya yoosoma ya Biblya ni munvahe ekartau ya omusoma Biblya. (lmd yoosoma 9 epontu 3)
6. Mwaha
Etxipo 46
7. Ninneepa weera nimuxukurele Yehova
(imin. 15) Mwaha.
Vaavo Yehova aavulunxaawe ana a Israeli emaara yoopopihiwaaya ni anakhotto oowera a wExipitu mphareya yooxeera, awo yaamuxukurela yeepaka itxipo. (Ott 15:1-19) Alopwana yaapatxeriha weepa etxipo enyowani. (Ott 15:21) Yesu ni akristu oopatxera yaaheepa-tho itxipo sonvuwiha Muluku. (Mt 26:30; Akol 3:16) Nivirelele omuxukurela Yehova neepaka itxipo mmithukumanoni, wa assembleya ni okongresuni. Mwa ntakihero, etxipo nempaahu viinaanoru, “Ninnooxukhuruni, Yehova”, enneepiwa mmithukumanoni mwahu ovinyera eyaakha ya 1966.
Mwa sookhovelela sikina, alopwana pooti woona wuuliha muru weepa vaatthuni. Akina pooti ohitthuna weepa mwaha wooweera enuupuwela weera nsu naya khaninreera emaara eneepaaya. Nto nintthuneya wuupuwelela weera weepa mmithukumanoni mwahu, onhela mpuwa okokhorela wahu. Mareherero a Yehova, enniilipihera weera ereherere itxipo sooreera ni weera ethanle etxipo yooreerela ya muthukumano ori poothe. Ti wookhweya opwexeerera masu ahu weera neepe vamoha nooniheraka nsivelo nahu ni omuxukurela wahu Tiithi ahu a wiirimu.
Moonihere EVIIDIYU Yooweereya elempwale ni Yehova — Yeepaka ni murima wootheene, eparte 2. Avinyaka mpake makoho ala:
Eheeni yeereñye eyaakha ya 1944?
Moota heeni asinna a oSibéria yoonihenraaya oxukurela waya yeepaka itxipo sa Omwene?
Mwaha wa heeni weepa oraaya wootthuneya wa Anamoona a Yehova?