Oleveleliwa wa soottheka ohaakunve mukuttho

Etthu enneeriha oleveleliwa soottheka sahu, ti mukuttho wa Yesu apankaawe ni ephome awe. (Aef. 1:7) Nnaamweera vareene hiiho, Biblya oneera: “Muluku nthowa noowiiwelela aalevelela soottheka saapakinwe khalai,” naari neere, Yesu ahaakunve opaka mukuttho. (Arom. 3:25, enoota.) Nto Yehova aalevelela moota heeni soottheka ohaakunve mukuttho, ni atthu otthara malamulo awe?

Yehova aahilaihera weera waamukhala “osulu” waarowa waavuluxa ale yaarino nroromelo wa Muluku ni soolaihera sawe. Wa moonelo wa Yehova, vaavo aapankaawe yoolaihera ela, waakhala ntoko mukuttho waaliviwa. (Eph. 3:15; 22:18) Yehova annaroromela weera, etempu yoophwanelela Mwana awe anwa elapo ya vathi weera avahe mukuttho. (Agal. 4:4; Aheb. 10:7-10) Emaara Yesu aaraawe elapo ya vathi, Yehova aahinvaha owera woolevelela soottheka, nnaamweera nlelo mukuttho wahaalivinwe. Yesu aapaka eyo mwaha wooweera aahisuwela weera mukuttho aarowaawe opaka, waamutxipiha soottheka sa atthu oororomeleya. — Math. 9:2-6.