Mpakeke ideseenyu weera nwereke wuupuwelela

Apaale ntoko hiihaale antxipale a hiyo, nyuwo munoona weera onnooxupani wuupuwelela ele munsomaanyu. Nto, nyuwo mohoonelela moota maphwanaphwaniho a Yesu enkhweyaaya wuupuwelela? Nyuwo munnawera woona maphwanaphwaniho awo mmuupuweloni, ni eyo ennookhaviherani wuupuwelela awo. Vamoha-moharu, nyuwo pooti wuupuwelela etthu munsomaanyu mpakaka ideseenyu. Munrowa opaka moota heeni eyo? Mpakeke ideseenyu emaara munsomaanyu.

Atthu empaka ideseenyu sa itthu inyowani enxutteraaya, ennawera wuupuwelela itthu esommaaya. Atthu awo ahoonelela weera opaka eyo onnakhavihera wiiwexexa ohiya paahi masuru, mene-tho ipontu sootthuneya sa mwaha ensomaaya. Ideseenyu iyo khaiyene miteko sa arte, mene ti sookhuveya ni soohixupa odesenyari. Opaka ideseenyu onnaakhavihera otepaxa wene ale ari oowuuluvala wuupuwelela ele ensomaaya.

Ekwaha enttharelana munrowaanyu osoma, nyuwo pooti weerera opaka ideseenyu sa itthu musommaanyu. Nyuwo pooti otikiniheya ni itthu munrowaanyu oweraka wuupuwelela!