Yaari hayi ekumi mparadiso?

Adamu ni Heva yaavahiwa itthu sintxipale ni Yehova. Ephattuwelo 1:28

Yehova aampaka muthiyana oopatxera eeriwa Heva, owo ari mwariye Adamu. — Ephattuwelo 2:21, 22.

Yehova aapanke ni muupuwelo ni erutthu yokhwanela naari yoohikhalano soohaxa.

Awo yakhala mparadiso ematta weedeni. Nipuro noorera vantxipale, iwo wakhalawo mooloko, inama ni miri soowima.

Yehova annuluma niyaawo ni annaxuthiha. Mene yaamwiiwelenle yamukhala mulaponi-mu mahiku oothene.

Muluku aakotthihenre otxa mwiri mmoha paahi. Ephattuwelo 2:16, 17

Yehova aawonihera Adamu ni Heva mwiri wahaatxiwa. Nave-tho, aahalela weera, ehitxe yoowima ya mwirene yoowo yatxavale yaamukhwa.

Nlaika nimoha khanamwiiwelenle Muluku. Vano nlaika nnoo satana, nanrima.

Satana khaatthuna weera Adamu ni Heva emwiiweleleke Yehova. Vano owo aawara enowa, enuuluma ni Heva yeeraka: mwatxavale yowima ya mwiri ola khamunkhwa, mene munrowa okhala ntoko Muluku. Ekhaikhai weera yaari ethiru. — Ephattuwelo 3:1-5.