Soohimmwa sa madelegado

ANAMAKHAVIHERA Anamakhavihera enthanliwa weera ekhavihereke. Txontte nwiiweleleke moomalela awo, mutharaka miruku saya voohima sa mapuro siniiyaathiwaayawo itxinka ikaaro naari miyoota, moota wooweetta atthu, moota woovarela muteko ikatera ni itthu ikina.

ANAMAKHAVIHERA OOPATXERA Muupuweleke weera yoothanleliwa ela ti ya okhavihera itthu sinkhumelela mootutuxera.

IKATERA Txontte mwaaphwattheke atthu akina. Muupuweleke weera ikatera iya ehiyeriwe atthu ootheene waahela mpuwa amusi anyu, ale nwiiyaanyuno vamoha, ale munkhalaanyuno empa emoha naari ale mummuxutteraanyuno Biblya. Txontte, muhihiye etthu vasulu va ekatera muhikhanleno muthtu aneera akilaathele.

MUTEKO WOOWIIVAHERERA Wakhala weera nyuwo munnatthuna okhavihera muteko onhela mpuwa mareherero a konkreesu ola, mwaaleele asinna a edepartamento ya muteko, ni a muteko woowiivaherera.

OPATISO Mapuro aatthu ale enkela opatisiwa enoohiiwa ohoolo wa epalku, txontte muhikilaathi mapuro awo. Ale enkela opatisiwa ennatthuneya okilaathi mapuro awo ohinaaye mwaha yoowo onkela opakiwa oxeexelo esaabado. Kata mutthu onnatthuneya owiiha etowalya awe ni ekuwo yoophwanelela.

SOOVAHA Mwa mukhalelo woorerela, aapakiwa mareherero weera nikhaleno ikatera sooreera, ikaruma sooruma, ni ikipamento sa iviidiyu ni miteko mikina seiyo sinneeriha omoonela konkreesu ola mooreera ni sinnikhavihera omwaattamela Yehova. Soovaha sanyu soohikhanyereriwa sinnakhavihera ovariwa muteko wootheene ola ni sinnakhavihera muteko wa elapo yootheene. Mwatthuna opaka yoovaha anyu sookhala ikaaxa siheliwe mapuro ala. Waawereyaka pooti ovaha muxekuraka esaite ahu eparte eneera donate va jw.org. Soovaha sootheene ti sootthuneya. Mukuttula woolamulela onimooxukurelani mwaha wa ovaha wanyu mukhaviheraka soohaawela sa omwene.

SOOPHWANYIWA NI SOORIHEYA Itthu sootheene ehinooneya asineene sikuxiweke ni sikelihiweke edepartamento ya soophwanyiwa ni sooriheya. Wakhala weera yohoomorani etthu, murowe va edepartamento ene yeela weera moone yaareenewo etthu yoomonreni. Ni anamwane ooriheya ekelihiweke edepartamento eene yeela weera ephwanyiwe ni asipapaya. Menento weera musepe waavaha muteko anamakhavihera, mwaakosoopeke anamwane anyu ni mukhaleke vakhiviru naawo.

Arehereriwe ni Mukuttula Woolamulela wa Anamoona a Yehova